თინა ბოკუჩავას განცხადებით, ოჯახის წევრები მარნეულში მომხდარი დაპირისპირებისას დაშავებულის თბილისში გადაყვანას ითხოვენ, თუმცა ამის საშუალება არ ეძლევათ

„ნაციონალური მოძრაობის“ წევრის, თინა ბოკუჩავას ინფორმაციით, მარნეულის საავადმყოფოში, სადაც მარნეულში მომხდარი დაპირისპირებისას დაშავებული „ნაციონალური მოძრაობის“ წარმომადგენლები არიან გადაყვანილები, საგამოძიებო მოქმედებები მიმდინარეობს.

როგორც ჟურნალისტებს თინა ბოკუჩავამ განუცხადა, დაშავებულთა პალატაში შევიდა გამომძიებელი, რომელმაც „საქმის გაყალბების მიზნით, შესაძლოა, დაშავებულებზე ზეწოლა განახორციელოს“.

„ახლა შევიდა გამომძიებელი და არავინ იცის, თუ როგორი ზეწოლა შეიძლება განხორციელდეს ადამიანებზე, რომლებიც არიან დაზარალებულები. როგორ შეიძლება ადვოკატის გარეშე შევიდეს გამომძიებელი და დაკითხოს დაზარალებულები. სავარაუდოდ, ახლა შიგნით საგამოძიებო მოქმედებები მიდის, კამერებს რომ არ დაენახა გამომძიებელი შეიპარა. ჩვენ რა გარანტია გვაქვს, რომ დაზარალებულ ადამიანებზე ახლა, ზეწოლას არ ახორციელებს და საქმის მასალებს არ აყალბებს. არათუ ადვოკატს, არამედ ოჯახის წევრებსაც არ უშვებენ. მეუღლე და დედა ითხოვენ, რომ დაშავებული თბილისში გადაიყვანონ, თუმცა ამის საშუალებას არ აძლევენ, ეს წარმოუდგენელი უსამართლობაა“, - განაცხადა ბოკუჩავამ.

ცნობისთვის, დღეს საღამოს, მარნეულში მომხდარი ინციდენტისას დაშავდნენ „ნაციონალური მოძრაობის“ წარმომადგენლები, „მთავარი არხის“ ჟურნალისტი, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს.

მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა