მარნეულში ინციდენტის დროს დაშავებული "მთავარი არხის" ჟურნალისტი ჯეიხუნ მუჰამედალი თბილისში გადაიყვანეს.

მარნეულის კლინიკაში იმყოფებოდა ტელეკომპანიის დირექტორი ნიკა გვარამია.

ცნობისთვის, მარნეულში მომხდარი ინციდენტისას დაშავდნენ „ნაციონალური მოძრაობის“ წარმომადგენლები, „მთავარი არხის“ ჟურნალისტი, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს.

მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.