ღრმად შეშფოთებული და შეძრწუნებული ვარ მთიან ყარაბაღში ძალადობის ესკალაციისა და ადამიანების ტრაგიკული დაღუპვის გამო, აზერბაიჯანისა და სომხეთს სიტუაციის დეესკალაციისა და საომარი მოქმედებების დასრულებიკენ კონკრეტული ნაბიჯების გადადგმისა და კონტაქტის ხაზის გასწვრივ ტერიტორიის მიტაცებისგან თავის შეკავებისკენ მოვუწოდებ, - ამის შესახებ აშშ-ის წარმომადგენელთა პალატის საგარეო საქმეთა კომიტეტის თავმჯდომარის ელიოტ ენგელის მიერ გავრცელებულ განცხადებაშია აღნიშნული.

ის ხაზს უსვამს, რომ აღნიშნულ კონფლიქტზე გარეშე ძალების გავლენა შემაშფოთებელია.

„გარე ძალების გავლენა, როგორიცაა თურქეთი, რომელიც უგუნურად ერევა კონფლიქტში, შემაშფოთებელია. საერთაშორისო საზოგადოება სამშვიდობო პროცესის ერთგული უნდა დარჩეს. როგორც ეუთოს მინსკის ჯგუფის თანათავმჯდომარემ, აშშ-მ არ უნდა დაუშვას თურქეთის მიერ სამშვიდობო პროცესის ჩაშლა და კონფლიქტის გამწვავება,“- აღნიშნულია თავმჯდომარის ელიოტ ენგელის განცხადებაში.

მისივე თქმით, რეგიონში ხანგრძლივი მშვიდობის დამყარების ერთადერთი გზა დიალოგია და არა ძალადობა.