სერგო ჩიხლაძე - „ოცნება“ შავი სამყაროს წარმომადგენლების ნაცვლად, ოპოზიციური აქტივისტების და მედიის წინააღმდეგ საჯარო მოხელეებს აქეზებს

ეს არის შედეგი იმ ძალადობისა და დაუსჯელობისა, რასაც წლებია ადგილი აქვს ჩვენს ქვეყანაში და ახალისებს „ქართული ოცნების“ პარტია, - ასე ეხმაურება „სტრატეგია აღმაშენებლის“ ერთ-ერთი ლიდერი სერგო ჩიხლაძე გუშინ მარნეულში მომხდარ ინციდენტს.

ჩიხლაძის განცხადებით, „ქართული ოცნება“ შავი სამყაროს წარმომადგენლების ნაცვლად, „პირდაპირ საჯარო მოხელეებს აქეზებს ოპოზიციური აქტივისტების და ოპოზიციურად განწყობილი მედიის წინააღმდეგ.“

,,ეს ადამიანები წახალისებული არიან მმართველი გუნდის მიერ, რაზეც მიუთითებს მათი გუშინდელი განცხადებაც. ისინი პასუხისმგებლობას აკისრებენ ოპოზიციურ პარტიებს მაშინ, როდესაც პოლიცია იქ იდგა და არაფერს აკეთებდა, საჯარო მოხელეები იღებდნენ მონაწილეობას ამ ძალადობაში და „ქართული ოცნება“ შავი სამყაროს წარმომადგენლების ნაცვლად, პირდაპირ საჯარო მოხელეებს აქეზებს ოპოზიციური აქტივისტების და ოპოზიციურად განწყობილი მედიის წინააღმდეგ. „სტრატეგია აღმაშენებლის“ სახელით ვემიჯნებით ყველანაირ ძალადობას, მოვითხოვთ ყველა მოძალადის უმკაცრესად დასჯას, განსაკუთრებით იმ საჯარო მოხელეების რომლებიც იყვნენ ამაში ჩართული. გეყოთ „ქართული ოცნების“ წარმომადგენლებო, ძალადობით ვერ შეინარჩუნებთ ხელისუფლებას. აღარ გინდათ ამ ქვეყანაში პოლიტიკური აქტივობა გააგრძელოთ? აღარ გინდათ, რომ საჯარო აქტივობა გქონდეთ? ეს ძალადობა დაასამარებს თქვენს პოლიტიკურ ამბიციებს, ასეთი ქმედებებით თქვენ პოლიტიკურ სამარეს ითხრით საკუთარი თავისთვის,“ - განაცხადა სერგო ჩიხლაძემ.

ცნობისთვის, მარნეულში მომხდარი ინციდენტისას დაშავდნენ „ნაციონალური მოძრაობის“ წარმომადგენლები, „მთავარი არხის“ ჟურნალისტი, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს.

მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)