BTU-მ სტუდენტებისთვის ციფრული წიგნიერების სწავლება, კომუნიკაციების კომისიასთან თანამშრომლობით დაიწყო

კომუნიკაციების კომისიასთან თანამშრომლობის შედეგად, ბიზნესისა და ტექნოლოგიების უნივერსიტეტმა (BTU) ახალი საგნის - „ციფრული წიგნიერება და კიბერეთიკა“ სწავლება ახალი სასწავლო წლიდან დაიწყო.

კომუნიკაციების კომისიის ინფორმაციით, ბაკალავრიატისა და მაგისტრატურის სტუდენტები შეისწავლიან ისეთ მნიშვნელოვან საკითხებს, როგორებიცაა ინფორმაციული წიგნიერება, კიბერეთიკა, კიბერ საფრთხეები, მედიაეკონომიკის საფუძვლები და ა.შ.

გარდა ამისა, მედიაწიგნიერების საფუძვლებსა და ძირითად მიმართულებებს უნივერსიტეტის ყველა ის სტუდენტი შეისწავლის, რომელიც სასწავლო პროგრამის ფარგლებში ბიზნეს-კომუნიკაციასა და სტრატეგიულ კომუნიკაციას ეუფლება.

„ციფრული წიგნიერების, როგორც ახალი საგნის სწავლება არის ერთ-ერთი მნიშვნელოვანი შედეგი, რომელიც კომუნიკაციების კომისიასა და ბიზნესისა და ტექნოლოგიების უნივერსიტეტს შორის მედიაწიგნიერების განვითარების ერთობლივი პროექტების ფარგლებში უკვე მიღწეულია. სასწავლო წლის დაწყებამდე, კომუნიკაციების კომისიასთან მჭიდრო თანამშრომლობით, რეკომენდაციები შემუშავდა მედიაწიგნიერების სხვადასხვა მიმართულებით, მათ შორის, ახალი სილაბუსის დახვეწისა და განვითარებისთვის“, - აცხადებენ კომისიაში.

მათივე ინფორმაციით, მედიაწიგნიერების პროექტების განხორციელება ახალი სასწავლო წლიდან თბილისის სახელმწიფო უნივერსიტეტში, ბათუმის შოთა რუსთაველის სახელმწიფო უნივერსიტეტსა და ბიზნესისა და ტექნოლოგიების უნივერსიტეტში დაიწყო. თანამშრომლობის ფარგლებში, მედიაწიგნიერების განვითარების მიზნით, პროექტებში აკადემიური პერსონალი და სტუდენტები ჩაერთვებიან, ასევე საერთაშორისო ექსპერტების თანამონაწილეობით, ერთობლივი სესიები, კონფერენციები და კონკურსები ჩატარდება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა