კახა კალაძემ ილია ელოშვილს 12 ოქტომბრამდე საბავშვო ბაღების აღსაზრდელებისთვის პროდუქტების მიწოდების ორგანიზება დაავალა

დედაქალაქის მერმა კახა კალაძემ მის მოადგილეს ილია ელოშვილს 12 ოქტომბრამდე საბავშვო ბაგა-ბაღების აღსაზრდელებისთვის პროდუქტების მიწოდების ორგანიზება დაავალა. ამის შესახებ მან დედაქალაქის მთავრობის სხდომაზე განაცხადა.

„ეს მხარდაჭერა ძალიან მნიშვნელოვანია, მითუმეტეს, ამ სოციალურ - ეკონომიკური მდგომარეობაში, როცა პანდემიამ სერიოზული პრობლემები შეუქმნა ქვეყანას. ჩვენ ამ ოჯახებსა და ბავშვებს უნდა დავეხმაროთ, ხელი შევუწყოთ და გაცდენა რომ არ იყოს ეს ორკვირიანი პერიოდიც, გააკეთეთ უზრუნველყოფა საკვები პროდუქტებით. ამასთან, ახალი რეგულაციები დაუწესდა საბავშვო ბაღებს. სააგენტომ უკვე გადაამზადა ბაღების დირექტორები, რომლებიც შესაბამისად გადაამზადებენ ბაღების აღმზრდელებს, ჩვენს თანამშრომლებს. ასევე მომზადდა აღსაზრდელთა მიღება-გაშვების გრაფიკი. შეძენილია სხვადასხვა ინვენტარი. ბავშვებს ექნებათ ყველა ნივთი. რეგულაციები რაც იქნა მოთხოვნილი, ყველაფერი არის გათვალისწინებული და შესრულებული, რომ დავიცვათ ჩვენი შვილების, მომავალი თაობის ჯანმრთელობის უსაფრთხოება“, - განაცხადა კალაძემ.

ცნობისთვის, ბაგა-ბაღები სააღმზრდელო პროცესს 12 ოქტომბერს განაახლებენ.

იხილეთ ვიდეო: კახა კალაძემ ილია ელოშვილს 12 ოქტომბრამდე საბავშვო ბაღების აღსაზრდელებისთვის პროდუქტების მიწოდების ორგანიზება დაავალა

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს