სომხეთი უადგილოდ მიიჩნევს მოსკოვი-ერევანი-ბაქოს სამიტის გამართვას იმ პირობებში, როდესაც მთიან ყარაბაღში საბრძოლო მოქმედებები მიმდინარეობს. ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.
„საომარი მოქმედებების დროს არც თუ ძალიან დროულია სამიტზე საუბარი. მოლაპარაკებათა საწარმოებლად საჭიროა შესაბამისი ატმოსფერო და პირობები“ ,- განაცხადა პრემიერმა.
ამავდროულად, სომხეთის თავდაცვის სამინისტროს წარმომადგენელმა არცრუნ ოვანისიანმა გაავრცელა ინფორმაცია, რომლის თანახმადაც, ყარაბაღში დაფიქსირდა მფრინავების თურქულ ენაზე საუბარი.
მანამდე მან აღნშნა, რომ აზერბაიჯანი კონფლიქტის ხაზის ჩრდილოეთ მიმართულებაზე ახორციელებს ავიადარტყმებს. მისი თქმით, გამოიყენება თურქული უპილოტო საფრენი აპარატები, დაფრინავენ თურქეთის სამხედრო საჰაერო ძალების ავიაგამანადგურებლები F-16.