შაქარაშვილის საქმეზე ბრალდებული არასრულწლოვნების საქმის პროკურორის განცხადებით, გურამ ამირხანაშვილი სანდო მოწმეა

ფეხბურთელ გიორგი შაქარაშვილის საქმეზე ბრალდებული არასრულწლოვნების საქმის პროკურორის ნანა გუგუტიშვილის განცხადებით, გურამ ამირხანაშვილი სანდო მოწმეა.

გუგუტიშვილის თქმით, ამირხანაშვილთან მის მიერ ჩვენებებში დაზუსტებულ გარემოებებთან დაკავშირებითაც ექნებათ კითხვები.

"მოლოდინი გვაქვს, რომ გურამ ამირხანაშვილი სასამართლოში დაადასტურებს იმ ინფორმაციას, რაც გამოძიების ეტაპზე აქვს მიცემული. მას ყველა იმ კითხვას დავუსვამთ, რაც მისი ჩვენებებიდან გამომდინარეობს, რაც ბრალდების მხარისთვის საინტერესოა. აღნიშნული მოწმე სანდოა. მოწმეს დაზუსტებული აქვს გარკვეული გარემოებები და ჩვენ შეკითხვები გვექნება ამ დაზუსტებულ გარემოებებთან დაკავშირებით", - განაცხადა გუგუტიშვილმა.

კითხვაზე, იცავს თუ არა გურამ ამირხანაშვილს სახელმწიფო დაცვა, პროკურორი პასუხობს, რომ "ამ სისხლის სამართლის საქმესთან დაკავშირებით, ასეთი მოთხოვნა არ ყოფილა".

ცნობისთვის, გურამ ამირხანაშვილი ამ წუთებში, მცხეთის რაიონულ სასამართლოში ჩვენებას აძლევს. ის სასამართლოში პროცესის დაწყებამდე რამდენიმე საათი ადრე, ისე რომ მედიის წარმომადგენლებს არ ენახათ, მიიყვანეს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს