რომან გოცირიძე - წინასაარჩევნოდ დავით გარეჯის თემის შემოგდება არასახელმწიფოებრივი ქმედება, ქვეყნის ინტერესების ღალატია

ფრაქცია „ნაციონალური მოძრაობის” თავმჯდომარის, რომან გოცირიძის შეფასებით, წინასაარჩევნოდ დავით გარეჯთან დაკავშირებით გამოძიების დაწყება ხელისუფლების მხრიდან არასახელმწიფოებრივი ქმედებაა. როგორც ის აცხადებს, ტყუილია, რომ გარეჯი „ვიღაცამ ვიღაცას გადასცა”.

„წინასაარჩევნოდ დავით გარეჯის თემის შემოგდება არის ფაქტობრივად არასახელმწიფოებრივი ქმედება. ქვეყნის ინტერესების ღალატი. არ დამთავრებულა დემარკაციის პროცესი. გარეჯის საკითხი გაამწვავა ქალბატონმა სალომე ზურაბიშვილმა, რომელსაც სიმბოლურად ვუწოდებთ მოსიარულე საფრთხეს, მოლაპარაკე საფრთხეს. გადადგა დავით გარეჯისკენ ნაბიჯი და რა მივიღეთ, ფაქტობრივად ჩაკეტილია. გააკეთა განცხადებები და დავინახეთ. როგორ გაამწვავა ურთიერთობა ჩვენს მეზობელ სახელმწიფოსთან. გარეჯზე შექმნილი ვითარება არის ამ ხელისუფლების სინდისზე. როდესაც წინასაარჩევნოდ ამ თემით იწყებს ხელისუფლება სპეკულირებას, ეს კი არ არის უპასუხისმგებლობა, არამედ არის ნებისმიერ ანტისახელმწიფოებრივ ქმედებაზე წასვლა საკუთარი ძალაუფლების შესანარჩუნება”,- განაცხადა გოცირიძემ.

ცნობისათვის, დავით გარეჯის საკითხზე საქართველოს გენერალური პროკურატურის საგამოძიებო ნაწილში უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით გამოძიება მიმდინარეობს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს