არჩილ თალაკვაძე - რუსეთს არ შეუძლია საქართველოს მომავლის განსაზღვრა, არამედ ჩვენ თავად განვსაზღვრავთ ჩვენს მომავალს

რუსეთს არ შეუძლია საქართველოს მომავლის განსაზღვრა, არამედ ჩვენ თავად განვსაზღვრავთ ჩვენს მომავალს, - ამის შესახებ საქართველოს პარლამენტის თავმჯდომარე არჩილ თალაკვაძემ ვირტუალურ პრესკონფერენციაზე განაცხადა, რომელზეც არჩევნებში კეთილსინდისიერი მონაწილეობის შესახებ დათქმის პრეზენტაცია გაიმართა.

პარლამენტის თავმჯდომარის თქმით, რაც უფრო მეტ დემოკრატიას, დემოკრატიული ინსტიტუტების გაძლიერებასა და ეკონომიკის განვითარებას უზრუნველყოფს საქართველო, უფრო მეტი წინააღმდეგობა მოდის რუსეთის მხრიდან.

„საქართველოს ტერიტორიის 20%-ის ოკუპაციით ჩვენ ყოველდღიურად ვიღებთ გამოწვევებსა და პრობლემებს რუსეთდან - ჰუმანიტარული ვითარება, ადამიანის უფლეების დარღვევა და ყოველდღიური პროვოკაციები მოდის ოკუპირებული ტერიტორიებიდან, რაც, რა თქმა უნდა, კითხვის ნიშნის ქვეშ აყენებს სტაბილურობას, ეეკონომიკურ განვითარებასა და ჩვენი ქვეყნის უსაფრთხოებას. თუმცა გვჯერა, რომ მშვიდობიანი და დემოკრატიული განვითარების გზით, კონსოლიდაციისა და საერთაშორისო დახმარების მეშვეობით, ჩვენ შევძლებთ, რომ აღვადგინოთ ჩვენი ქვეყნის ტერიტორიული მთლიანობა. ჩვენ ვიზიარებთ დემოკრატიულ ღირებულებებს, ამაყები ვართ, რომ გვაქვს შესამჩნევი პროგრესი ევროპული და ევროატლანტიკური ინტეგრაციის გზაზე. რა თქმა უნდა, კიდევ ბევრია გასაკეთებელი და როგორც უკვე აღვნიშნე, რაც უფრო მეტს ვაკეთებთ, მით უფრო მეტი აგრესია მოდის რუსეთიდან დეზინფორმაციის, რბილი ძალის ინსტრუმენტების, ოკუპირებულ ტერიტორიებზე ყოველდღიური პროვოკაციების გზით,“- განაცხადა პარლამენტის თავმჯდომარემ.

არჩილ თალაკვაძემ იმედი გამოთქვა, რომ პარტნიორობითა და ნატოში ინტეგრაციის სტრატეგიული მზაობით, ასოცირების შეთანხმების იმპლემენტაციით, ამერიკის შეერთებულ შტატებთან თანამშრომლობითა და საქართველოს მოსახლეობის აქტიური ჩართულობით, საქართველო უსაფრთხოებისა და პროგრესის შენარჩუნებას შეძლებს.

იხილეთ ვიდეო:

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს