საპარლამენტო უმრავლესობის ერთ-ერთი წევრის ირაკლი კობახიძის განცხადებით, პარლამენტის საქმიანობა იყო წარმატებული და კიდევ უფრო წარმატებული იქნება მომდევნო 4 წლის განმავლობაში.

როგორც კობახიძემ აღნიშნა, მისი პარლამენტის თავმჯდომარეობაც წარმატებული იყო.

„იყო ძალიან მნიშვნელოვანი 4 წელიწადი და არაერთი უმნიშვნელოვანესი რეფორმა განხორციელდა. ფუნდამენტური რეფორმა იყო საკონსტიტუციო რეფორმა, რომელმაც საფუძველი ჩაუყარა ჩვენს გრძელვადიან დემოკრატიულ განვითარებას. ამის გარდა იყო ათეულობით ფუნდამენტური მნიშვნელობის რეფორმა, რომელსაც მოჰყვა კონკრეტული შედეგები, იქნებოდა ეს ეკონომიკური განვითარება, დემოკრატიული განვითარება, სოციალური საკითხები თუ ა.შ.“, - განაცხადა ირაკლი კობახიძემ.