საგადასახადო შემოწმების ახალი კრიტერიუმების გაცნობის მიზნით, აუდიტორული კომპანიების წარმომადგენლებთან სამუშაო შეხვედრა გაიმართა

საქართველოს ფინანსთა სამინისტროს შემოსავლების სამსახურის უფროსმა ლევან კაკავამ საგადასახადო შემოწმების ახალი დოკუმენტის შესახებ, აუდიტორული კომპანიების წარმომადგენლებთან სამუშაო ფორმატში შეხვედრა გამართა.

როგორც „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს, შეხვედრაზე დეტალურად განიხილეს, აუდიტის დეპარტამენტის მიერ საგადასახადო შემოწმების დანიშვნისა და შეწყვეტის კრიტერიუმების შესახებ მომზადებული დოკუმენტი, რომლიც მნიშვნელოვნად გაამარტივებს საგადასახადო შემოწმების აღრიცხვიანობის ადმინისტრირების პროცესს და ხელს შეუწყობს ზუსტი და რისკზე დაფუძნებული აუდიტის განხორციელებას, ხოლო გადასახადის გადამხდელებისთვის დაიზოგება მნიშვნელოვანი დროის რესურსი.

„საგადასახადო შემოწმების კრიტერიუმების შესახებ დოკუმენტი სიახლეა საგადასახადო შემოწმების პროცესში და მისი გამოყენება პრაქტიკაში პირველად მოხდება. ამ ინოვაციური პროექტის მიზანია: საგადასახადო შემოწმების პროცესის გამარტივება, გადასახადის გადამხდელის დროის დაზოგვა, ეფექტური და რისკზე დაფუძნებული აუდიტის განხორციელება, არსებული რესურსების უფრო ეფექტური გადანაწილება, ხარისხის კონტროლის სტანდარტის დაცვა და საუკეთესო საერთაშორისო პრაქტიკასთან დაახლოება. აღნიშნული პროექტი ჩვენი გუნდის ერთობლივი მუშაობის შედეგია. ჩვენთვის ძალიან მნიშვნელოვანია, ბიზნესისთვის ინფორმაციის დროული მიწოდება, ამისთვის კი ერთ-ერთი საშუალება სწორედ ასეთი შეხვედრებია,“- განაცხადა შემოსავლების სამსახურის უფროსმა.

შეხვედრის ფარგლებში, საგადასახადო შემოწმების სამმართველოს უფროსმა ლაშა კობერიძემ და საერთაშორისო კონტროლირებული ოპერაციების საკითხთა შეფასების სამმართველოს უფროსმა ავთო სვანაძემ, კომპანიების წარმომადგენლებს საგადასახადო შემოწმების ახალი კრიტერიუმებისა და წინასწარი შეთანხმების შესახებ მომზადებული ვრცელი პრეზენტაცია წარუდგინეს.

ლევან კაკავამ, კომპანიის წარმომადგენლებს მადლობა გადაუხადა მობრძანებისთვის და აღნიშნა, რომ მათთან კომუნიკაცია მომავალშიც გაგრძელდება.

შემოსავლების სამსახურში გამართულ შეხვედრას აუდიტის დეპარტამენტის უფროსი პაატა კილაძე, დეპარტამენტის უფროსის მოადგილე ანტონ ძამაშვილი და საგადასახადო შემოწმების სამმართველოს უფროსი შოთა მინაშვილი, ასევე საქართველოს ბიზნეს ასოციაციის (BAG), ,,ქეიფიემჯი ჯორჯია“ (KPMG), ,,ფრაის ვოთერ ჰაუს კუპერს საქართველო“ (PWC), EY-ის, ,,ბიდიო საქართველო“ (BDO), და სხვა აუდიტორული კოპმპანიის წარმომადგენლები ესწრებოდნენ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)