სომხეთის პრემიერ-მინისტრმა ნიკოლ ფაშინიანმა და ირანის პრეზიდენტმა ჰასან რუჰანმა სატელეფონო საუბარის დროს მთიანი ყარაბაღის კონფლიქტი განიხილეს, - ამის შესახებ ინფორმაციას სომხეთის მთავრობის პრესსამსახური ავრცელებს.

„ირანის პრეზიდენტმა თავის ორ მეზობელ ქვეყანას შორის არსებული დაძაბულობისა და სამხედრო მოქმედებების გაგრძელების გამო შეშფოთება გამოხატა“, - აღნიშნულია სომხეთის მთავრობის მიერ გავრცელებულ განცხადებაში.

მათივე ინფორმაციით, ლიდერებმა კონფლიქტში თურქეთის მონაწილეობის საკითხიც განიხილეს.