სან ფრანცისკოში საქართველოს გენერალური საკონსულო დღეს ოფიციალურად გაიხსნება

საქართველოს საგარეო საქმეთა სამინისტროს ინფორმაციით, 30 სექტემბერს, სან ფრანცისკოში ოფიციალურად გაიხსნება საქართველოს გენერალური საკონსულო.

უწყების ცნობით, ვირტუალურ ცერემონიას გახსნიან საქართველოს საგარეო საქმეთა მინისტრი, დავით ზალკალიანი და კალიფორნიის შტატის ვიცე-გუბერნატორი, ელენი კოულანაკისი.

„გენერალური საკონსულო საქართველოს მოქალაქეებს მიმდინარე წლის 1 ოქტომბრიდან მოემსახურება. გენერალური საკონსულო დაფარავს აშშ-ის 19 შტატს: კალიფორნია, არიზონა, ნევადა, ორეგონი, ვაშინგტონი, აიდაჰო, იუტა, ვაიომინგი, მონტანა, კოლორადო, ნიუ მექსიკო, ჩრდილოეთ დაკოტა, სამხრეთ დაკოტა, ნებრასკა, კანზასი, ალიასკა, ჰავაი, ოკლაჰომა და ტეხასი.

საქართველოს გენერალური საკონსულოს ამოცანა იქნება ადგილობრივ ხელისუფლებასთან, საჯარო და კერძო სექტორთან აქტიური თანამშრომლობით დაფარვის შტატებში საქართველოს შესახებ ცნობადობის ამაღლება და აღნიშნულ შტატებთან ეკონომიკის, კულტურის, ხალხთაშორისი ურთიერთობების სფეროში თანამშრომლობის გაღრმავება, ისევე როგორც ადგილზე მყოფი საქართველოს მოქალაქეებისთვის საკონსულო მომსახურების გაწევა და მათი კანონიერი ინტერესების დაცვა.

გენერალური საკონსულოს გახსნის ღონისძიება 30 სექტემბერს, თბილისის დროით 21:00-სთ-ზე დაიწყება და მისი ნახვა შესაძლებელი იქნება გენერალური საკონსულოს Facebook გვერდზე: https://www.facebook.com/GEOConGenSF.

ქ. სან ფრანცისკოში საქართველოს გენერალური საკონსულოს მისამართია: 930 Montgomery Street, Unit 301, San Francisco, CA 94133; ელ-ფოსტა: ConsulateSF@mfa.gov.ge; ტელ: 415-528-3706; საკონსულოს ცხელი ხაზი: 415-702-5329“,-აღნიშნულია საგარეო უწყების მიერ გავრცელებულ ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა