თეონა აქუბარდია - დავით გარეჯის საკითხთან დაკავშირებით მდგომარეობა ამ ხელისუფლების პერიოდში გაუარესდა

,,სტრატეგია აღმაშენებლის“ სპიკერის, თეონა აქუბარდიას განცხადებით, დავით გარეჯის სამონასტრო კომპლექსის საკითხთან დაკავშირებით საჭიროა სპეციალური საბჭოს შექმნა, რომელშიც ჩართულობის შესაძლებლობა ოპოზიციური პარტიის წარმომადგენლებსაც ექნებათ.

მისივე თქმით, აღნიშნული თემა საზოგადოებისთვის გამჭვირვალე უნდა იყოს, რადგან ის მაღალი ინტერესების მატარებელია.

,,გუშინ პროკურატურამ დავით გარეჯის საკითხზე უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე დაიწყო სისხლის სამართლის მუხლით გამოძიება. დავით გარეჯის სამონასტრო კომპლექსი არის ჩვენთვის მნიშვნელოვანი ისტორიულ-კულტურული ძეგლი. აზერბაიჯანთან, ისევე როგორც სომხეთთან საზღვრის დემარკაცია - დელიმიტაცია არ არის დასრულებული. მომლოცველები ვეღარ ადიან დავით გარეჯის სამონასტრო კომპლექსის ტერიტორიის სრულ მონაკვეთზე, პრეზიდენტ სალომე ზურაბიშვილის შარშან გაკეთებული დაუფიქრებელი და მავნე განცხადების შემდეგ.

შესაბამისად, შეიძლება ითქვას, რომ მდგომარეობა გაუარესდა ამ ხელისუფლების პერიოდში. დღეს საომარი მოქმედებები მიმდინარეობს ჩვენ ორ მეზობელს სომხეთსა და აზერბაიჯანს შორის. საკითხის ამ დროს და ამ ფორმით წამოწევამ შესაძლოა გააღვივოს ანტიაზერბაიჯანული განწყობები. ჩვენი სტრატეგიული პარტნიორობისა და თანამშრომლობის გაფუჭება სწორედ რომ შედის რუსეთის ინტერესებში. ამ საქმით ხელისუფლება ცდილობს გააფაროს ის მძიმე პრობლემები, რომელიც მისი მმართველობის პერიოდში შეიქმნა ქვეყანაში. პროკურატურისადმი ნდობა ჩვენს საზოგადოებაში დაბალია და ის იქცა მმართველი პარტიის ინტერესების გამტარებელ უწყებად. მნიშვნელოვანია, რომ დავით გარეჯის სამონასტრო კომპლექსის სადავო ნაწილზე განხილვა იყოს ყველასთვის გამჭვირვალე, შეიქმნას საბჭო სადაც ოპოზიციის წარმომადგენლებს ექნებათ შესაძლებლობა ჩაერთონ და თითოეულ დეტალს გაეცნონ, რათ დაცული იყოს ჩვენი ინტერესები“, - განაცხადა თეონა აქუბარდიამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა