„მრავალეროვანი საქართველო“ მარნეულსა და სადახლოში განვითარებულ მოვლენებს ეხმაურება და ძალადობის ნებისმიერ გამოვლინებას გმობს

„მრავალეროვანი საქართველო“ 28 და 29 სექტემბერს, მარნეულსა და სადახლოში მომხდარ ინციდენტებთან და ძალადობის ფაქტებთან დაკავშირებით ღრმა შეშფოთებას გამოხატავს. ამის შესახებ ინფორმაციას თავად ორგანიზაცია ავრცელებს.

„28 სექტემბერს მარნეულის სოფელ სადახლოში, პარტია „ევროპული საქართველოს“ აქტივისტზე განხორციელდა თავდასხმა, ხოლო 29 სექტემბერს მარნეულში ერთმანეთს დაუპირისპირდნენ „ქართული ოცნებისა“ და „ნაციონალური მოძრაობის“ მხარდამჭერები. აღნიშნული დროის მონაკვეთში თავს დაესხნენ „საზოგადოებრივი მაუწყებლისა“ და „მთავარი არხის“ გადამღებ ჯგუფებს, დააზიანეს მათი აპარატურა.

„მრავალეროვანი საქართველო“ გმობს საარჩევნო პროცესებში ჩართულ მხარეებს შორის მომხდარი ძალადობის ფაქტებს და მიიჩნევს, რომ მსგავსი შემთხვევები გამოიწვევს დაძაბულობას, ხოლო მათი შედეგი ნეგატიურად აისახება წინასაარჩევნო პროცესებზე.

ორგანიზაციას დაუშვებლად მიაჩნია ჟურნალისტური საქმიანობისათვის ხელის შეშლა და მოუწოდებს შესაბამის სტრუქტურებს, დროულად, ობიექტურად და სრულყოფილად გამოიძიონ ზემოთხსენებული ინციდენტები და სათანადო რეაგირება იქონიონ მათში მონაწილე, დამნაშავე პირების გამოსავლენად და კანონმდებლობის შესაბამისად, პასუხისგებაში მისაცემად,“- ნათქვამია განცხადებაში.

„მრავალეროვანი საქართველოში“ მიიჩნევენ, რომ საქართველოს პარლამენტის არჩევნების სამართლიან და მშვიდ გარემოში გამართვისა და ამომრჩეველთა კონსტიტუციური უფლებების უზრუნველსაყოფად აუცილებელია საქართველოს სამართალდამცავ უწყებათა ადეკვატური და სწრაფი რეაგირება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა