სხვადასხვა სამუშაოების ჩატარების გამო, 2 ოქტომბერს ელექტრომომარაგება დროებით შეიზღუდება. ამის შესახებ ინფორმაციას კომპანია „თელასი“ ავრცელებს.
მათვე ცნობით, საბურთალოს რაიონში ქსელზე ახალი აბონენტების მიერთების გამო, 10:00 -დან 17:00 საათამდე შეზღუდვა შეეხება ნუცუბიძის პლატოს I მიკრორაიონის მოსახლეობას.
ასევე საბურთალოს რაიონში ქსელზე ახალი აბონენტების მიერთების გამო, 10:00 -დან 15:00 საათამდე შეზღუდვა შეეხება ზურაბ ანჯაფარიძის ქუჩის მოსახლეობას.
მთაწმინდის რაიონში გადაუდებელი სამუშაოების გამო, 12:00 -დან 13:00 საათამდე შეზღუდვა შეეხება ძმებ კაკაბაძეების ქუჩის მოსახლეობას.
ისნის რაიონში გადაუდებელი სამუშაოების გამო, 11:00-დან 13:00 საათამდე შეზღუდვა შეეხება 17 შინდისელი გმირის ქუჩის მოსახლეობას.
კომპანია ბოდიშს უხდის მომხმარებლებს შექმნილი დისკომფორტის გამო. მათი ცნობით, სამუშაოების დასრულების შემდეგ აბონენტებს ელექტრომომარაგება აღუდგება.