ისნის საოლქო საარჩევნო კომისიასთან “ნაციონალური მოძრაობის“ წევრებმა აქცია გამართეს.
როგორც აქციაზე „ნაციონალური მოძრაობის“ წევრმა, ხატია დეკანოიძემ განაცხადა, „საარჩევნო სიყალბის დადგმის პირველი მსახური“ ცენტრალური საარჩევნო კომისიის თავმჯდომარე, თამარ ჟვანიაა.
„საქართველოს მოქალაქეების ნება 31 ოქტომბერს იქნება შეურყეველი. საქართველოს მოქალაქეების ნება ბიძინა ივანიშვილის დამარცხებაა, ამიტომ, რა მანიპულაციებიც არ უნდა გააკეთონ, ეს იქნება „ქართული ოცნების“ წინააღმდეგ მიმართული და მათ შორის, პირველ რიგში, ქალბატონი თამარ ჟვანიას წინააღმდეგ. ისაა პირველი მსახური საარჩევნო სიყალბის დადგმაში. არავითარი ეთიკის კოდექსი „ქართული ოცნების“ მსახურების მხრიდან არ არსებობს, ეს ყველაფერი ფარისევლობაა“, - განაცხადა დეკანოიძემ.