სალომე სამადაშვილის განცხადებით, ხელისუფლებას არჩევნებში ჩარევის ნებისმიერი მცდელობა „ძვირად დაუჯდება“

ფრაქცია „ნაციონალური მოძრაობის" წევრი, სალომე სამადაშვილი ხელისუფლებას მიმართავს, რომ არჩევნებში ჩარევის ნებისმიერი მცდელობა „ძვირად დაუჯდება“. როგორც მან ჟურნალისტებს განუცხადა, ხელისუფლებამ ქვეყანაში თავისუფალი და სამართლიანი არჩევნების ჩატარება უნდა უზრუნველყოს.

„ფაქტობრივად ყველა საოლქო კომისიასთან იმართება ჩვენი გამაფრთხილებელი აქციები იმიტომ, რომ ხელისუფლებამ დაიწყო არჩევნების გაყალბებისთვის მზადება. თქვენ გქონდათ შესაძლებლობა, მოგესმინათ კონკრეტულად რას აკეთებენ ისინი უშუალოდ კომისიებში, როგორ არღვევენ ყველანაირ უფლებებს ოპოზიციის წარმომადგენლების და ფაქტობრივად, ამზადებენ ინფრასტრუქტურას იმისთვის, რომ არჩევნებზე დაწერონ ის შედეგები, რაც სურთ.

მე მსურს, დღეს ჩემს მეგობრებთან ერთად გავაფრთხილოთ ბიძინა ივანიშვილი და მისი ხელისუფლება, ყველა მცდელობა, ჩაერიოთ ქართველი ხალხის ნების გამოხატვაში, მოახლოებულ არჩევნებში, ძალიან ძვირი დაგიჯდებათ. მოემზადეთ და ჩაატარეთ თავისუფალი და სამართლიანი არჩევნები, ისეთი როგორის ჩატარებასაც საერთაშორისო თანამეგობრობა გთხოვთ“,-განაცხადა სამადაშვილმა.

მან მოახლოებულ არჩევნებზე პასუხისმგებლობა ასევე ცესკო-ს თავმჯდომარეს, თამარ ჟვანიასაც დააკისრა.

„მინდა ასევე მივმართო თამარ ჟვანიას, მას პირადად ეკისრება პასუხისმგებლობა ამ არჩევნების ადმინისტრაციაზე და ყველა შესაბამისი სამართალდარღვევა მისი პირადი პასუხისმგებლობა იქნება“,-განაცხადა სამადაშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა