„ევროპული საქართველოს“ გურიის მაჟორიტარობის კანდიდატი, ხათუნა გოგორიშვილი სამოქალაქო აქტივისტების მიერ გიორგი რურუას გათავისუფლების თაობაზე მოთხოვნას უერთდება.
მისი თქმით, გიორგი რურუა პოლიტპატიმარია და „ქართულმა ოცნებამ“ არ შეასრულა 8 მარტის შეთანხმება, რომლის ერთ-ერთი პირობა რურუას გათავისუფლება იყო.
„ევროპული საქართველო“, მისი წევრები და აქტივისტები ვუერთდებით სამოქალაქო აქტივისტების ინიციატივას გიორგი რურუას პატიმრობიდან გათავისუფლების შესახებ. ყველასთვის ცნობილია, რომ „ქართულმა ოცნებამ“ დაარღვია 8 მარტის შეთანხმება და პოლიტპატიმრები, კონკრეტულად კი გიორგი რურუა, რომელიც არის პოლიტიკური პატიმარი და ეს იცის ყველამ, მთელმა მსოფლიომ, არ გაათავისუფლა.
შესაბამისად, საქართველოს მოქალაქეები, ვისაც სურს, რომ ნორმალურ ქვეყანაში ცხოვრობდეს, ვისაც სურს, რომ კანონიერება იყოს უზენაესი რეალობა ჩვენი ქვეყნისა, აგროვებენ ხელმოწერებს გიორგი რურუას გათავისუფლებისთვის და „ევროპული საქართველოც“ ამ პროცესის ნაწილია“, -განაცხადა ხათუნა გოგორიშვილმა.
ინფორმაციას „ევროპული საქართველოს“ პრესსამსახური ავრცელებს.