ხანგრძლივი პოლიტიკური კრიზისის შემდეგ ბელგიამ ახალი მთავრობა ჩამოაყალიბა. რამდენიმეთვიანი მოლაპარაკებების შემდეგ, ქვეყნის 7 პარტია საბოლოოდ კოალიციის შექმნაზე შეთანხმდა.
პრემიერ-მინისტრის თანამდებობაზე ფინანსთა მინისტრის მოვალეობის დროებითი შემსრულებელი ალექსანდრ დე კროო დასახელდა. ის დროებითი მეთაურის, სოფი ვილმესის ადმინისტრაციას შეცვლის, რომელიც მარტში დაინიშნა. დე კროო ბელგიელ კანონმდებლებს ახალ გეგმას 1-ელ ოქტომბერს წარუდგენს.
„როიტერის“ ინფორმაციით, ბელგიას 2018 წლის დეკემბრის შემდეგ, რაც ოთხპარტიული კოალიცია ჩამოიშალა, სრულფასოვანი მთავრობა არ ჰყოლია.