მამუკა ხაზარაძე - პირველი ნაბიჯები გადაიდგმება იმისთვის, რომ შევქმნათ სამუშაო ადგილები და შესაძლებლობა ყველა ადამიანისთვის

"ლელო საქართველოსთვის" ლიდერის მამუკა ხაზარაძის განცხადებით, ხელისუფლებაში მოსვლისას "ლელო" პირველ ნაბიჯებს ქვეყანაში სამუშაო ადგილების შექმნისთვის გადადგამს.

მამუკა ხაზარაძის თქმით, პარტიას გააჩნია კონკრეტული გეგმა, როგორ დაასტაბილუროს ეროვნული ვალუტა და დაიყვანოს ნორმალურ ნიშნულამდე.

ამასთან, როგორც ხაზარაძემ ჟურნალისტებს განუცხადა, ადამიანები, რომლებიც "ლელომ" 2020 წლის საპარლამენტო არჩევნებისთვის წარადგინა, გამოირჩევიან პროფესიონალიზმით, განათლებითა და პატრიოტიზმით. მამუკა ხაზარაძის თქმით, "ლელოს" აქვს კონკრეტული მიზანი, რომ საქართველოში დასრულდეს 30 - წლიანი ჩაკეტილი ციკლი და ქვეყანამ სწრაფი განვითარება დაიწყოს.

მისი თქმით, პარტიას გააჩნია მარშალის გეგმა, რომლის განხორციელების პასუხისმგებლობას "ლელოს" გუნდი იღებს.

"გაგიკვირდებათ და ქვეყანას არ აქვს სასმელი და სარწყავი წყალი. არის ისეთი ელემენტარული საკითხები ქვეყანაში, რომლის ჩამონათვალი დიდია. პრობლემის მოგვარების პირველი საკითხი იქნება მივიღოთ ის საკანონმდებლო აქტები, რომელიც ხელს შეუწყობს მარშალის გეგმის განვითარება, იმისთვის, რომ საქართველო სწრაფად გახდეს ფინანსური ცენტრი. სერიოზული ინვესტიციების გარეშე ჩვენს ქვეყანას სწრაფად ვერ ამოვიყვანთ მდგომარეობიდან. ამიტომ, პირველი ნაბიჯები გადაიდგმება იმისთვის, რომ შევქმნათ სამუშაო ადგილები და შესაძლებლობა ყველა ადამიანისთვის. რაც ყველაზე მთავარია, გვაქვს კონკრეტული გეგმა, როგორ დავასტაბილუროთ ლარი და დავიყვანოთ ნორმალურ ნიშნულამდე. ასევე გვაქვს შეთავაზება, რომ მოვახდინოთ ჩვენი მოქალაქეების ვალდებულების რეფინანსირება და გადავადება 6 თვით. ეს არის სასწრაფოდ გასაკეთებელი საქმე", - განაცხადა ხაზარაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა