გერმანიის კანცლერის, ანგელა მერკელის განმარტებით, რუსი ოპოზიციონერი პოლიტიკოსის, ალექსეი ნავალნისთან დაკავშირებული სიტუაცია არა მხოლოდ რუსეთსა და გერმანიას შორის განსახილვევლი თემაა, არამედ საერთაშორისო საკითხია.
„ეს არ არის ორმხრივი საქმე. მიუხედავად იმისა, რომ ეს არის დანაშაული, რომელიც რუსეთის ტერიტორიაზე მოხდა, ის ქიმიური იარაღის კონვენციას არღვევს, რის გამოც ის საერთაშორისო საკითხია,“- განაცხადა გერმანიის კანცლერმა.
მისივე თქმით, გერმანია ქიმიური იარაღის აკრძალვის ორგანიზაციის შედეგებს დაელოდება და ამის შემდეგ ადეკვატური რეაქციის შესახებ ევროკავშირის ფარგლებში იმსჯელებს.
ანგელა მერკელმა რუსეთს ალექსეი ნავალნიზე განხორციელებული თავდასხმის სრული და გამჭირვალე გამოძიებისკენ კიდევ ერთხელ მოუწოდა.