Reuters - რომის პაპმა მაიკ პომპეოსთან აუდიენციაზე უარი განაცხადა
რომის პაპი ფრანცისკემ აშშ-ის სახელმწიფო მდივნის, მაიკ პომპეოს მიღებაზე უარი განაცხადა, - ამის შესახებ ინფორმაციას Reuters-ი ავრცელებს.
წმინდა საყდრის სახელმწიფო მდივნის, კარდინალ პიეტრო პაროლინის განმარტებით, პაპი საარჩევნო პერიოდში პოლიტიკოსებს არ ხვდება.
„პაპმა უკვე გარკვევით განაცხადა, რომ საარჩევნო პერიოდში პოლიტიკური ფიგურების მიღება არ ხდება. ეს არის მიზეზი,“- აღნიშნა წმინდა საყდრის სახელმწიფო მდივანმა.
რომის პაპის გადაწყვეტილებას წინ უძღოდა მაიკ პომპეოს განცხადება ჩინეთისა და კათოლიკური ეკლესიის ურთიერთობის შესახებ. პომპეომ გააკრიტიკა წმინდა საყდარი, რადგან ვატიკანი ჩინეთთან ეპისკოპოსების დანიშვნასთან დაკავშირებულ შეთანხმებას აგრძელებს და აღნიშნა, რომ ამ ნაბიჯით კათოლიკური ეკლესიის „მორალურ ავტორიტეტს საფრთხე ექმნება“.
კარდინალ პიეტრო პაროლინის განმარტებით, ვატიკან- ჩინეთის შეთანხმება ეკლესიებს შორის განხილვის საკითხია და მას ამერიკის პოლიტიკასთან არაფერი აქვს საერთო.
