„ფორბსი“ - თბილისში გამართული UNWTO-ს ღონისძიება პანდემიის პერიოდში გამართული პირველი პირისპირ შეხვედრა იყო

„ფორბსის“ ესპანურენოვანი გამოცემა თბილისში, UNWTO-ს აღმასრულებელი საბჭოს 112-ე სესიის გამართვას ეხმაურება და სტატიას, სათაურით „უსაფრთხოა თუ არა მოგზაურობა პანდემიის დროს?“ აქვეყნებს.

როგორც სტატიაშია აღნიშნული, თბილისში გამართული UNWTO-ს ღონისძიება პანდემიის პერიოდში გამართული პირველი პირისპირ შეხვედრა იყო.

„ღონისძიების მიზანი იყო წარმოეჩინა, რომ მოგზაურობა შესაძლებელია ჯანდაცვის მსოფლიო ორგანიზაციის პროტოკოლების დაცვით“, - ნათქვამია „ფორბსის“ სტატიაში.

ამასთან, სტატიაშია აღნიშნულია, რომ თბილისში გამართულ UNWTO-ს აღმასრულებელი საბჭოს 112-ე სხდომაზე აქცენტი გაკეთდა ტურიზმის აღდგენაზე.

„გაერო-ს მსოფლიო ტურიზმის ორგანიზაციის გენერალურმა მდივანმა, ზურაბ პოლოლიკაშვილმა ხაზგასმით აღნიშნა - „ჩვენი აქ ყოფნა იმის ნათელი დასტურია, რომ მოგზაურობა უსაფრთხოა“. ამას ადასტურებს ისიც, რომ შეხვედრას ესწრებოდა გაერო-ს მსოფლიო ტურიზმის ორგანიზაციის 170 დელეგატი მსოფლიოს 26 ქვეყნიდან და ისეთი მაღალი რანგის სტუმრები, როგორებიც არიან IFEMA სავაჭრო სამართლიანი ბიზნესის დირექტორი ანა ლარშაგა, Mastercard– ის უფროსი ვიცე-პრეზიდენტი ნიკოლა ვილა, UNWTO– ს ელჩები ფერნანდო იერო და ხოან გასპარი, ბარსელონას სასტუმროთა ასოციაციის ვიცე – პრეზიდენტი და სასტუმროების საერთაშორისო ფედერაციის წევრი და სხვა მაღალი რანგის სტუმრები“, - ვკითხულობთ სტატიაში.

როგორც „ფორბსის“ სტატიაშია აღნიშნული, კონფერენციის დროს, გაერო-ს გენერალურმა მდივანმა, პორტუგალიელმა ანტონიო გუტიერეშმა მისასალმებელ ვიდეოში აღნიშნა, „ტურიზმი არის ძალა მთელ მსოფლიოში, რომელიც გვაძლევს ახალი კულტურების, ახალი ადამიანების, ახალი გამოცდილების აღმოჩენის საშუალებას. აღმასრულებელი საბჭო მნიშვნელოვანი პლატფორმაა თანამშრომლობისა და ტურიზმის მომავლის მხარდასაჭერად, რომელზეც მილიონობით ადამიანის საარსებო წყაროა დამოკიდებული“, - წერს „ფორბსი“.

აღნიშნულ ინფორმაციას ეკონომიკისა და მდგრადი განვითარების სამინისტრო ავრცელებს.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)