ცესკოს თავმჯდომარე საოლქო და საუბნო საარჩევნო კომისიების წევრებს რეკომენდაციით მიმართავს, თავი შეიკავონ სოციალურ ქსელებში პირადი გვერდის გამოყენებისგან პოლიტიკური მოწოდებებისა და აგიტაციისთვის.

ამასთან, ცესკოს თავმჯდომარე მიმართავს თითოეულ მოხელეს, გამიჯნონ საკუთარი პროფესიული საქმიანობა პოლიტიკური პროცესებისგან.

“ საარჩევნო კანონმდებლობის (საქართველოს საარჩევნო კოდექსი, 45-ე მუხლის, მე-4 პუნქტის „ა“ ქვეპუნქტი) თანახმად, მათ ეკრძალებათ წინასაარჩევნო აგიტაციაში მონაწილეობა; სწორედ ამ ნორმების გათვალისწინებით მათ თავი უნდა შეიკავონ ისეთი ქმედებებისგან, რაც შესაძლოა განიხილებოდეს როგორც რომელიმე საარჩევნო სუბიექტის მხარდამჭერი ან საწინააღმდეგო ქმედება; მათ შორის სოციალურ ქსელებში პირადი გვერდის გამოყენება პოლიტიკური მოწოდებებისა და აგიტაციისთვის, ასევე პარტიის/კანდიდატის წინასაარჩევნო შეხვედრებში მონაწილეობა”,-აღნიშნულია ცესკოს მიერ გავრცელებულ ინფორმაციაში.