ოთარ კახიძე - ივანიშვილს და სააკაშვილს სურთ შავ-თეთრი სურათი დახატონ, რომ თითქოს არის ორპოლუსიანი არჩევანი

„ევროპული საქართველოს“ ქუთაისის მაჟორიტარობის კანდიდატის, ოთარ კახიძის თქმით, პარტია იღებს ვალდებულებას, რომ შეასრულებს იმ პუნქტებს, რომლებიც გაწერილია პარტიის ვალდებულებათა ბარათში.

ამავდროულად, კახიძემ აღნიშნა, რომ როგორც სააკაშვილი, ისე ივანიშვილი ცდილობენ დახატონ ორპოლუსიანი სურათი, თუმცა არჩევანი არსებობს და ეს არის „ევროპული საქართველო“, რომელიც ქუთაისსა და მთლიანად საქართველოს გარდამტეხ ცვლილებებს მოუტანს.

„ჩვენ, „ევროპულ საქართველოს“ გვაქვს კონკრეტული გეგმა, რომელიც ეხება ქუთაისს, ამ ქალაქს, რაც მდგომარეობს პარლამენტის დაბრუნებაში ქუთაისში, „რაინეარის“ ბაზის გახსნაში „ვიზეარის“ ბაზის აღდგენასთან ერთად, რათა მილიონი ტურისტი შემოვიდეს ქალაქში. ჩვენ ასევე ვგეგმავთ გადასახადების შემცირებას, რომ ინვესტიციები მოვიზიდოთ, რათა შემოვიდეს სიმდიდრე ქუთაისში.

რაც შეეხება იმას, თუ რას არ გავაკეთებთ, ძალიან მკაფიოა ჩვენი ხედვა, არჩევანი არ არის შავ-თეთრი, ივანიშვილსა და სააკაშვილს სურთ დახატონ ეს შავ-თეთრი სურათი, რომ თითქოს არის ორპოლუსიანი არჩევანი, არ არის ასე, „ევროპული საქართველო“ არის ის გუნდი, რომელსაც შეუძლია გარდამტეხი ცვლილებების მოტანა და ჩვენ, ასევე, პატივს ვცემთ ჩვენს ამომრჩეველს და ვეუბნებით კონკრეტულად რას გავაკეთებთ და რას არ გავაკეთებთ“, - აცხადებს ოთარ კახიძე.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია