ევროპის საბჭოს გენერალური მდივანი, მარია პეინჩინოვიჩ ბურიჩი აცხადებს, რომ მთიან ყარაბაღში მძიმე ჰუმანიტარული კრიზისის თავიდან ასაცილებლად კონფლიქტის მოლაპარაკების გზით გადაჭრაა აუცილებელი.
„ ვგლოვობ უამრავი ადამიანის, მათ შორის მშვიდობიანი მოქალაქეების დაღუპვას, რომლებიც მთიან ყარაბაღში საომარი მოქმედებების მსხვერპლნი ხდებიან. ვერანაირი პოლიტიკური მოსაზრება ვერ ამართლებს ქალების, მამაკაცებისა და ბავშვების საშინელებას და ტანჯვას. მე ვთხოვ კონფლიქტის ყველა მხარეს, დაუყოვნებლივ შეწყვიტონ საომარი მოქმედებები. მძიმე ჰუმანიტარული კრიზისის თავიდან ასაცილებლად აუცილებელია კონფლიქტის მშვიდობიანი გადაწყვეტის გზა მოლაპარაკებების მაგიდასთან მოიძებნოს,“- აღნიშნულია მარია პეინჩინოვიჩ ბურიჩის მიერ გავრცელებულ განცხადებაში.