აშშ, საფრანგეთი და რუსეთი დაპირისპირებულ მხარეებს მთიან ყარაბაღში ცეცხლის დაუყონებლივ შეწყვეტისა და დიალოგის განახლებისკენ მოუწოდებენ.

„დაპირისპირებულ მხარეებს მოვუწოდებთ, საომარი მოქმედებების დაუყონებლივ შეწყვეტისკენ. ასევე, სომხეთისა და აზერბაიჯანის ლიდერებს მოვუწოდებთ, ეუთო-ს მინსკის ჯგუფის ეგიდით დაუყონებლივ განაახლონ არსებითი მოლაპარაკებები, კეთილსინდისიერად და წინაპირობის გარეშე,“– ნათქვამია სამი ლიდერის მიერ გავრცელებულ ერთობლივ განცხადებაში.

შეგახსენებთ, მთიან ყარაბაღში ვითარება 27 სექტემბრის შემდეგ დაიძაბა. დაღუპულია ათობით და დაშავებულია ასობით ადამიანი, მათ შორის მშვიდობიანი მოქალაქეები.