ბიძინა ივანიშვილი - გვახსოვს ხელისუფლება, რომელმაც პოლიტიკური ახლო მხედველობის გამო, თავიდან ვერ აიცილა სამხედრო ავანტიურა და გაუაზრებელი მოქმედებებით ქვეყანას 20% დააკარგვინა

გვახსოვს ხელისუფლება, რომელმაც მისთვის დამახასიათებელი პოლიტიკური ახლო მხედველობის გამო, თავიდან ვერ აიცილა სამხედრო ავანტიურა და გაუაზრებელი მოქმედებებით ქვეყანას 20% დააკარგვინა, რამაც გაართულა ჩვენი ჩრდილო-ატლანტიკური პროცესი, - ამის შესახებ პარტია „ქართული ოცნება-დემოკრატიული საქართველოს“ თავმჯდომარე ბიძინა ივანიშვილმა 2020 წლის საარჩევნო პროგრამის პრეზენტაციაზე სიტყვით გამოსვლისას განაცხადა.

ივანიშვილმა „ნაციონალური მოძრაობის“ მმართველობის 9 წელზე ისაუბრა.

მისი განცხადებით, „ნაციონალური მოძრაობის“ ხელისუფლებაში ყოფნისას პოლიტიკური ოპოზიცია ტერორში იმყოფებოდა და არჩევნები უხეშად ყალბდებოდა. ამასთან, საბიუჯეტო სახსრები ერთი კაცის ვნებებისა და სურვილების შესაბამისად იყო განაწილებული.

,,ჩვენ ყველას გვახსოვს ბედის ანაბარად მიტოვებული ქართული სოფელი. დავიწყებას ვერ მიეცემა დრო, როდესაც სახელმწიფოს არ გააჩნდა არანაირი თანაგრძნობა და სოციალური პასუხისმგებლობა საკუთარი ხალხისადმი. იყო დრო, როდესაც მოქალაქეების უმეტესი ნაწილი იძულებული იყო უკანასკნელი საოჯახო ნივთებიც გაეყიდა მკურნალობისთვის და მძიმე სამედიცინო დიაგნოზი პრაქტიკულად სასიკვდილო განაჩენს უდრიდა. ჩვენ არასდროს დაგვავიწყდება ხელისუფლების ბოროტი ნების უსიტყვოდ შემსრულებელი, ნოტარიუსად ქცეული და დაჩოქებული სასამართლო, გაუქმებული მართლმსაჯულება და ადვოკატის პროფესია. ტერორში მყოფი პოლიტიკური ოპოზიცია, უხეშად გაყალბებული არჩევნები. დემოკრატიული კონტროლისა და ხელისუფლების არმქონე დამახინჯებული კონსტიტუცია, ერთი კაცის ვნებებისა და სურვილების შესაბამისად განაწილებული საბიუჯეტო სახსრები. მიტაცებული, უსიცოცხლო და გარინდებული მედია პირადი ცხოვრების გამჟღავნების უწყვეტი მუქარითა და შანტაჟით, უკანონოდ დაპატიმრებული ჟურნალისტები, შეურაცხყოფილი მწერლები, მსახიობები, მეცნიერები, სპორტსმენები და ჩვენი საზოგადოების თვალსაჩინო წარმომადგენლები.

გვახსოვს ხელისუფლება, რომელმაც მისთვის დამახასიათებელი პოლიტიკური ახლო მხედველობის გამო თავიდან ვერ აიცილა სამხედრო ავანტიურა და გააზრებელი მოქმედებებით ქვეყანას 20% დააკარგვინა, რამაც გაართულა ჩვენი ჩრდილო-ატლანტიკური პროცესი. მეხსიერებიდან ვერ ამოიშლება ბრძოლის ველიდან ლაჩრულად გაქცეული მთავარსარდალი და უპატრონოდ მიტოვებული ჩვენი გმირი ჯარისკაცების ცხედრები, საკუთარი სახლ-კარიდან გამოყრილი მოსახლეობა. მსურს ასევე შეგახსენოთ იმდროინდელი სამართალდამცავი სისტემის უკიდურესი თვითნებობა და სახელმწიფო პოლიტიკაში მათი არაპროპორციული, მავნებლური გავლენა რამაც ბევრი ოჯახის პირადი ტრაგედია განაპირობა,“ - განაცხადა ბიძინა ივანიშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება