მამუკა მდინარაძე ჟურნალისტებს - “ბოროტსა სძლია კეთილმა”- ამას ვასწავლით 9 საუკუნის წინანდელს და ჩვენ რომ 9-წლიანი რეჟიმი გავიხსენოთ შედარებისთვის, ამაში ხედავთ პრობლემას?

“ბოროტსა სძლია კეთილმა”- ამას ვასწავლით 9 საუკუნის წინანდელს და ჩვენ რომ 9-წლიანი რეჟიმი გავიხსენოთ შედარებისთვის, ამაში ხედავთ პრობლემას?”- ასე უპასუხა საპარლამენტო უმრავლესობის ლიდერმა, მამუკა მდინარაძემ ჟურნალისტის შეკითხვას, თუ რატომ ახსენებენ “ქართული ოცნების” ლიდერები ხშირად წინა ხელისუფლებას.

მდინარაძის თქმით, საზოგადოებამ უნდა გააკეთოს არჩევანი კეთილსა და ბოროტს შორის.

“ჩვენ თუ ჩვენს შვილებს ვზრდით იმაზე, რომ კარგი და ცუდი გაარჩიონ ერთმანეთისგან, ასევე ყველა ადამიანმა უნდა შეძლოს გუშინდელი ძალიან ცუდი წარსულის გარჩევა დღევანდელი კარგი აწმყოსაგან და კარგი მომავლისაგან და უნდა გააკეთოს არჩევანი კეთილსა და ბოროტს შორის, სიმართლესა და ტყუილს შორის და თქვენ ნუ აგვიკრძალავთ ამას, ძალიან გთხოვთ”,- განაცხადა მდინარაძემ.

რაც შეეხება “ნაციონალური მოძრაობის” პარტიულ სიას, მდინარაძის შეფასებით, სია შედგება პოლიტიკოსებისგან, რომლებიც წარსულთან და ბოროტებასთან ასოცირდებიან.

“ჩვენ გვაქვს ინფორმაცია, რომ ძალიან სერიოზული დაძაბულობა იყო “ნაცმოძრაობის” კლასტერში, ვერ იყოფდნენ ადგილებს. მათ კარგად იციან, რომ დაახლოებით 10-დან 15 მანდატამდეა მათიმაქსიმუმი საუკეთესო შემთხვევაში. ამ 10-15-კაციან სიაში მოხვედრისთვის დიდი ორთაბრძოლები იყო და ამიტომ ბოლო წუთამდე ძლივს წარადგინეს სია. რაც შეეხება სიის პირველ ნომერს, ამასთან დაკავშირებით მე არაფერს ვიტყვი გარდა იმისა, რომ მათ რეალურად დღეს არ ჰყავთ ლიდერი პოლიტიკოსი, რომელსაც ისინი ჩასვამდნენ საარჩევნო სიის პირველ ნომრად. დანარჩენი მერე იყოს, დანარჩებზე საუბარი შეგვიძლია ძალიან ბევრჯერ. მათი სიის 90% არის გაჯერებული პოლიტიკოსებით, რომლებიც ასოცირდებიან წარსულთან და ბოროტებასთან. ეს არის “ნაცმოძრაობის” საფირმო და სამარკო ნიშანი”, - განაცხადა მდინარაძემ.

ცნობისთვის, “ნაციონალურმა მოძრაობამ” პარტიული სია წარადგინა. სიის პირველი ნომერი ბუბა კიკაბიძეა. პარტიულ სიაში ასევე არიან: გრიგოლ ვაშაძე, ნიკა მელია, ხატია დეკანოიძე, კობა ნაყოფია, დევი ჭანკოტაძე, ლევან ვარშალომიძე, სალომე სამადაშვილი, ზაალ უდუმაშვილი, ხათუნა სამნიძე.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა