,,ჯორჯიან უოთერ ენდ ფაუერი“, დედაქალაქის სტაბილური წყალმომარაგებისთვის მნიშვნელოვან პროექტებზე მუშაობას ყველა რეკომენდაციის დაცვითა და გათვალისიწინებით აგრძელებს. ამის შესახებ ინფორმაციას კომპანია ,,ჯივიპი" ავრცელებს.

მათივე ინფორმაციით, კომპანიამ სამგორის რაიონში, ნაკადულის 1-ელ გასასვლელში წყალმომარაგების სისტემაზე სარეაბილიტაციო სამუშაოები განახორციელა. პროექტის ფარგლებში სრულად განახლდა 200 მეტრი სიგრძის წყალმომარაგების ქსელი. ახალ ქსელზე ევროსტანდარტის ჩამკეტ-მარეგულირებელი ურდულები და საკვანძო ჭები მოეწყო.

,, „ჯივიპიმ“ სარეაბილიტაციო პროეტში 40 ათასი ლარის ინვესტიცია განახორციელა. ხვალ, 2 ოქტომბერს, ახალ ქსელზე გადაერთებით სამუშაოები განხორციელდება. მოსახლეობისთვის ნაკლების დისკომფორტის შექმნის მიზნით, სამუშაოები ღამის საათებში ჩატარდება.

აღნიშნულთან დაკავშირებით აუცილებელია, მაგისტრალური ქსელის წყლისგან დაცლა, რის გამოც ხვალ, 2 ოქტომბერს, ღამის 23:00 საათიდან 3 ოქტომბრის დილის 08:00 საათამდე, წყალმომარაგება შეეზღუდება:

სამგორის რაიონში: ნაკადულის, საფერავის, გაბრიელ სალოსის, ქინძმარაულის და მიმდებარე ქუჩებს. მოსკოვის გამზირის ნაწილს, გარდაბნის გზატკეცილს, წმ. ბარბარეს და მიმდებარე დასახლებებს.

კრწანისის რაიონში: გორგასლის ქუჩის და რუსთავის გზატკეცილის ნაწილს.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით“, - ნათქვამია ინფორმაციაში.