ადგილობრივების ინფორმაციით, ხელვაჩაურში, სოფელ ჯოჭოში მეწყერში 5 ადამიანია მოყოლილი
ხელვაჩაურში სოფელ ჯოჭოში ჩამოწოლილ მეწყერის ქვეშ დაახლოებით ხუთი ადამიანი არის მოყოლილი.
როგორც ადგილობრივები აცხადებენ, დამეწყრილ საცხოვრებელ სახლში ოჯახის ყველა წევრი, 3 ადამიანი იმყოფებოდა. არსებული ინფორმაციით, მათ შორის ერთი მცირეწლოვანია.
ადგილობრივების ინფორმაციით, მეწყერი ქვეშ სახლთან მიმავალ გზაზე ავტომობილიც მოყვა, რომელშიც ორი ადამიანი იმყოფებოდა.
"მიწის დიდი მასა ჩამოწვა, სახლში ოჯახის ყველა წევრი იმყოფებოდა, ასევე სამანქანო გზაზე მოძრავი მანქანა იმყოფებოდა, რომელიც მეწყერში მოყვა. ავტომობილში 2 პირი იმყოფებოდა.
სულ 5 ადამიანი არის მოყოლილი", - აცხადებენ ადგილობრივები.
ადგილზე სამაშველო სამსახურები და სამართალდამცავები არიან მობილიზებული. სტიქიის ზონაში იმყოფებიან აჭარის მთავრობის თავმჯდომარე თორნიკე რიჟვაძე და ადგილობრივი ხელისუფლების წარმომადგენლები.
