გიორგი მუმლაძე, მარნეულში მასზე განხორციელებული თავდასხმის გამო, დაზარალებულად ცნობას მოითხოვს

„სამოქალაქო პლატფორმა 20/20“-ის რეგიონული ჯგუფის უფროსმა, მარნეულის ოლქში დამკვირვებელმა გიორგი მუმლაძემ, 29 სექტემბერს მის მიმართ განხორციელებული თავდასხმის გამო, მარნეულის პროკურატურაში განცხადება შეიტანა და დაზარალებულად ცნობა მოითხოვა. ამის შესახებ ინფორმაციას „სამოქალაქო პლატფორმა 20/20 -ს“ ავრცელებს.

როგორც მუმლაძემ განაცხადა, ყველა თავდამსხმელი იდენტიფიცირებულია, თუმცა სამართალდამცველი ორგანოები არაფერს აკეთებენ მათ დასასჯელად.

„გამოკითხვაზე დავასახელე და პოლიციის მიერ ამოღებულ ვიდეოკადრებში ამოვიცანი ჩემზე თავდამსხმელები, მათ შორის, მარნეულის საკრებულოს თავმჯდომარე და „ქართული ოცნების“ ადგილობრივი შტაბის უფროსი ამირან გიორგაძე. მიუხედავად იმისა, რომ არსებობს მტკიცებულებები და სამედიცინო დასკვნა, დღემდე არავინ დასჯილა. მოვითხოვე, პროკურატურამ მცნოს დაზარალებულად, რათა მქონდეს წვდომა საქმის მასალებზე და უფრო ეფექტურად ჩავერთო გამოძიების პროცესში,“- განაცხადა მუმლაძემ.

„სამოქალაქო პლატფორმა 20/20“-ის ინფორმაციით, გიორგი მუმლაძე, რომელიც მარნეულის საარჩევნო ოლქში სადამკვირვებლო მისიას ახორციელებს, 29 სექტემბერს შეესწრო ფაქტს, როცა „ქართული ოცნების“ აქტივისტები „ერთიანი ნაციონალური მოძრაობის“ სამ წარმომადგენელს თავს დაესხნენ. დამკვირვებელს აღნიშნული ფაქტის ტელეფონით დაფიქსირებაში ხელი შეუშალა „ქართული ოცნების“ მარნეულის საკრებულოს თავმჯდომარემ და „ქართული ოცნების“ ადგილობრივი შტაბის უფროსმა ამირან გიორგაძემ, რომელმაც ჯერ ტელეფონი ხელიდან გააგდებინა მუმლაძეს, ხოლო შემდეგ ფიზიკურად გაუსწორდა. “სამოქალაქო პლატფორმა 20/20” ცესკოს მიერ რეგისტრირებულია როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს