სომხეთის საგარეო საქმეთა სამინისტრო აცხადებს, რომ ევროპის უსაფრთხოებისა და თანამშრომლობის ორგანიზაციასთან (ეუთო) მთიან ყარაბაღში ცეცხლის შეწყვეტის საკითხთან დაკავშირებით თანამშრომლობისთვის მზადაა.
„სომხეთი მთიანი ყარაბაღის კონფლიქტის მშვიდობიანი გზით მოგვარების საკითხის მიმართ ერთგული რჩება. მიუხედავად იმისა, რომ აგრესია მთიანი ყარაბაღის წინააღმდეგ კვლავ მიიღებს ჩვენს მკაცრ პასუხს, მზად ვართ ვითანამშრომლოთ ეუთოს მინსკის ჯგუფის თანათავმჯდომარეებთან, რათა, 1994-1995 წლების შეთანხმებების საფუძველზე, ცეცხლის შეწყვეტის რეჟიმი აღდგეს, ”- აცხადებენ სომხეთის საგარეო უწყებაში.