ნანა დევდარიანი - ვდგავართ რეალური საფრთხის წინაშე - მივიღოთ შერწყმული „ნაციონალური“, „ევსაქოური“ და „ქართული ოცნების“ მთავრობა

„ყველამ კარგად უნდა გაიაზროს, რომ ჩვენ ვდგავართ რეალური საფრთხის წინაშე, მივიღოთ შერწყმული „ნაციონალური“, „ევსაქოური“ და „ქართული ოცნების“ მთავრობა“, - ამის შესახებ „პატრიოტთა ალიანსის“ ვაკის მაჟორიტარი დეპუტატობის კანდიდატმა ნანა დევდარიანმა დღეს გამართულ ბრიფინგზე განაცხადა.

დევდარიანის თქმით, „ქართული ოცნება“ ცდილობს, რომ ყველანაირად დააწინაუროს „ნაციონალური მოძრაობა“. აღნიშნულთან დაკავშირებით, მან 3 ოქტომბერს, 17 :00 საათზე აქცია დაანონსა.

„თუ დაუკვირდებით, „ქართული ოცნება“ სხვადასხვა ინსტრუმენტების გამოყენებით ცდილობს მიაკუთვნოს “ნაციონალურ მოძრაობას” რეიტინგი 12%-იდან 18%-მდე, რაც არის აბსურდი. არ იცის მსოფლიო პოლიტიკის ისტორიამ ისეთი მოვლენა, როდესაც პარტიას ლიდერი არ ჰყავს, სახეები არ ჰყავს ან თუ ჰყავს, უარყოფითი და მას ჰქონდეს 12%-18% რეიტინგი. ეს არის ხელისუფლების ჩანაცვლების მცდელობა, რომელზეც ჩვენ კარგახანია უკვე ვლაპარაკობთ“, - განაცხადა დევდარიანმა.

მისივე ინფორმაციით, „პატრიოტთა ალიანსმა“ გამოკითხვა ჩაატარა, რომელშიც მონაწილეობა 1 200 000 ადამიანმა მიიღო.

„გამოკითხვის მიხედვით, “ქართული ოცნება”, რომელიც იძახის, რომ 60% აიღებს, მისი რეიტინგი 13%-ს არ ცდება. რაც შეეხება “ნაციონალურ მოძრაობას”, 3,2% ვერც ცდება მათი რეიტინგი, რაც შეეხება ბოკერიას ძალიან გაპიარებულ პარტიას, რაშიც ხელს უწყობს ხელისუფლება, მათი რეიტინგი 1%-საც ვერ აღწევს. ამის მიუხედავად “ქართული ოცნების” ლიდერშიპის ერთ-ერთი წარმომადგენელი, ირაკლი კობახიძე აცხადებს, რომ თურმე 100 დეპუტატი უნდა შეიყვანოს. ყველა მისი განცხადება არის მცდელობა იმისა, რომ წინასწარ გააყალბონ არჩევნები. ჩვენ მოვუწოდებთ საზოგადოებას, გაიაზრონ ის საფრთხეები, რომლის წინაშეც რეალურად ვდგავართ. ყველამ კარგად უნდა გაიაზროს, რომ ვდგავართ რეალური საფრთხის წინაშე, მივიღოთ შერწყმული „ნაციონალური“, „ევსაქოური“ და „ქართული ოცნების“ მთავრობა. მინდა გითხრათ, რომ მოსახლეობის უმეტესობას ნამდვილად არ აქვს ამისი სურვილი და ეს არ არის ჩვენი ხალხის დაკვეთა. ჩვენი ვალია დავამსხვრიოთ ეს ტყუილი და მას დავუპირისპიროთ სიმართლე იმიტომ, რომ სიმართლეზე დიდი ძალა არ არსებობს. მინდა მოგიწოდოთ ჩვენი გუნდის ყველა წევრის სახელით, მოგვენდეთ ჩვენ, გააკეთეთ არჩევანი საკუთარი სამშობლოს და ხალხის სასარგებლოდ და დაუჯერეთ „პატრიოტებს“. ყველა ვისთვისაც მიუღებელია ასეთი მანიპულაციები და „ნაცმოძრაობისა“ და „ქართული ოცნების“ შერწყმული მთავრობის წარმოშობა, ყველანი მობრძანდით 3 ოქტომბერს, 17:00 საათზე, თავისუფლების მოედანზე“, - განაცხადა ნანა დევდარიანმა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)