ვახტანგ კიკაბიძეს აქვს უფლება, ჰქონდეს თავის მოსაზრება სააკაშვილის ანგელოზობასთან დაკავშირებით და საერთოდ, ამ სისხლიანი რეჟიმის სადისტური მართვის პოზიტივებთან დაკავშირებით,- ასე აფასებს პარლამენტის პირველი ვიცე-სპიკერი გია ვოლსკი ჟურნალისტებთან "ნაციონალური მოძრაობის" სიის პირველ ნომრად ბუბა კიკაბიძის წარდგენას.

"მე ვფიქრობ, თავისი შემოქმედებითი კარიერის პერიოდში იმდენად ბევრი სიკეთე დათესა, რომ საზოგადოების დიდმა ნაწილმა მას შეუნახა ის გადაცდომა, რასაც ჰქვია სადიზმის მხარდაჭერა.არ მგონია, რომ ღირსებას მატებს ბუბა კიკაბიძეს ესოდენ აქტიური გამოსვლა იმ რეჟიმის მხარდამჭერად, რომელიც ადამიანების უფლებების უხეშ დამრღვევად ხასიათდება, რომ აღარ ვისაუბროთ ეკონომიკაზე, სოფლის მეურნეობაზე და სხვა დარგებზე“, - განაცხადა გია ვოლსკიმ.

ცნობისათვის, "ნაციონალური მოძრაობის" სიის პირველი ნომერი ბუბა კიკაბიძეა.