ევროკავშირის ლიდერებმა აზერბაიჯანელებსა და სომხებს შორის მთიან ყარაბაღში მიმდინარე დაპირისპირება განიხილეს და ცეცხლის რაც შეიძლება სწრაფად შეწყვეტის აუცილებლობას გაუსვეს ხაზი, - ამის შესახებ გერმანიის კანცლერმა ანგელა მერკელმა ბრიუსელში დღეს, ევროკავშირის ლიდერების შეხვედრის შემდეგ განაცხადა.
„აუცილებელია, რომ ცეცხლის შეწყვეტა რაც შეიძლება მალე განხორციელდეს,“- აღნიშნა გერმანიის კანცლერმა.
მისივე თქმით, საბრძოლო მოქმედებების შეწყვეტა მთიანი ყარაბაღის პრობლემის მშვიდობიანად მოგვარების ერთადერთი გზაა.
„ცეცხლის შეწყვეტა ერთადერთი გზაა იმისთვის, რომ ამ რთული პრობლემის მოგვარებასთან დაკავშირებით მშვიდობიანი დიალოგი დაიწყოს,“- განაცხადა ანგელა მერკელმა.
იხილეთ ვიდეო: ანგელა მერკელი - მთიან ყარაბაღში ცეცხლი რაც შეიძლება მალე უნდა შეწყდეს