„ნაციონალურ მოძრაობას" თავისი წარსულის რცხვენია, ყველაფერს აკეთებენ, რომ ეს წარსული წაიშალოს, - ამის შესახებ, საქართველოს პარლამენტის თავმჯდომარემ, არჩილ თალაკვაძემ „პალიტრანიუსის“ ეთერში, გადაცემა „დღის ნიუსრუმში“ განაცხადა.

კითხვაზე, თუ რატომ დაუთმო ბიძინა ივანიშვილმა 2020 წლის საარჩევნო პროგრამის პრეზენტაციაზე დიდი დრო „ნაციონალურ მოძრაობასა“ და მიხეილ სააკაშვილზე საუბარს, არჩილ თალაკვაძე განმარტავს, რომ „ქართული ოცნების“ ხელისუფლების მუშაობის პროგრესის შესაფასებლად „რაღაცასთან შედარებაა“ საჭირო.

„ნაციონალურ მოძრაობას" თავისი წარსულის რცხვენია. მიხეილ სააკაშვილის მთავარი ოპონენტი მისი და „ნაციონალური მოძრაობის“ წარსულია, ამიტომ ყველაფერს აკეთებენ, რომ ეს წარსული იყოს დავიწყებული და წაშლილი.

თუ ჩვენ გვინდა პროგრესი შევაფასოთ, ეს რაღაცას უნდა შევადაროთ, ერთი მხრივ, რა გვქონდა და რა გვაქვს დღეს, ასევე სად გვინდა მივიდეთ და სად ვდგავართ.

ბიძინა ივანიშვილმა გუშინ ეს შესანიშნავად, ამომწურავად და გულწრფელად გააკეთა. ბიძინა ივანიშვილმა ასევე გადასცა სიტყვა ახალგაზრდა გუნდს, ჩვენ ყველა სფეროში გაკეთებულ და სამომავლო საქმეებზე ვისაუბრეთ. მე არ მიკვირს, რომ „ნაციონალური მოძრაობა" იმას უსმენდა მხოლოდ, რაც მათ არ მოსწონთ", - განაცხადა არჩილ თალაკვაძემ.

იხილეთ ვიდეო: არჩილ თალაკვაძე ივანიშვილის გამოსვლაზე - სააკაშვილის მთავარი ოპონენტი მისი და "ნაციონალური მოძრაობის" წარსულია