არჩილ თალაკვაძე - მიხეილ სააკაშვილი არის ჯოხი ოპოზიციის ბორბალში, ის ხელს უშლის ქვეყანაში ოპოზიციის განვითარებას - მის გუნდშიც ყველაზე გაკოტრებული პოლიტიკოსია

მიხეილ სააკაშვილი დღეს არის ჯოხი ოპოზიციის ბორბალში და ის ხელს უშლის ქვეყანაში ოპოზიციის განვითარებას,- ამის შესახებ პარლამენტის თავმჯდომარემ არჩილ თალაკვაძემ ტელეკომპანია „პალიტრანიუსის“ გადაცემა „დღის ნიუსრუმში“ განაცხადა.

როგორც ის აღნიშნავს, სააკაშვილი საკუთარი გუნდის წევრებთანაც არ არის პირნათელი, რადგან პასუხისმგებლობას გაექცა და ეს „მის თანაგუნდელებსაც არ აქვთ დავიწყებული“.

„ვის ეშინია, ამას საზოგადოება უკვე წლების განმავლობაში ხედავს, ეს ხელისგულზეა, თუ თვალს გადავავლებთ, რა განცხადებებს აკეთებდა მიხეილ სააკაშვილი ყველა არჩვენებზე და მერე ამას როგორ აკორექტირებდა მისი გუნდი. მაგალითად, სააკაშვილმა თქვა არჩევნების წინ ჩამოვალო და შემდეგ მისი გუნდი ამბობდა, რომ არჩევნების შემდეგ ჩამოვა, თუ გავიმარჯვებთო. წინა არჩევნებში გვახსოვს დრო, როდესაც მოდიოდა ღრუბელ-ღრუბელ, როდესაც მოდიოდა გვირაბებით, გვახსოვს დრო, როდესაც იდგა საზღვართან და უნდა გადმოსულიყო, სიმართლე არის ის, რომ ეს ადამიანი საქართველოში ვერ ჩამოდის.

მიხეილ სააკაშვილი საკუთარ თანაგუნდელებთანაც არ არის პირნათელი, პასუხისმგებლობა, რომ მას მართლმსაჯულების წინაშე პასუხი უნდა გაეცა, მან ვერ აიღო თავის თავზე, ქვეყანა დატოვა, გაიქცა და არაერთი თანაგუნდელი დატოვა იმ პასუხისმგებლობის წინაშე, რომელიც იყო მისი. თუ გგონიათ, რომ ეს ყველაფერი დავიწყებული აქვთ მის თანაგუნდელებსაც კი, თორემ ჩვენ რაში გვაინტერესებს ეგ ამბავი - თუ ჩამომსვლელია, ჩამოვიდეს.

მიხეილ სააკაშვილი დღეს არის ჯოხი ოპოზიციის ბორბალში და ის ხელს უშლის ქვეყანაში ოპოზიციის განვითარებას. მის გუნდშიც კი, ის არის ყველაზე გაკოტრებული პოლიტიკოსი, რადგან ის გაექცა პასუხისმგებლობას და მის გუნდში იყვნენ ადამიანები, ვინც ეს პასუხისმგებლობა აიღეს“,- განაცხადა თალაკვაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა