„ევროპის უნივერსიტეტის" სამი სტუდენტი სწავლას პოლონეთსა და ბულგარეთში გააგრძელებს

„ევროპის უნივერსიტეტის" სამართლის საბაკალავრო პროგრამის სტუდენტი ლანა ნავროზაშვილი და საერთაშორისო ურთიერთობების საბაკალავრო პროგრამის სტუდენტი გიორგი ლოთიშვილი სწავლას ვარშავაში არსებულ ვისტულას უნივერსიტეტში გააგრძელებენ. ამის შესახებ „ინტერპრესნიუსს“ „ევროპის უნივერსიტეტიდან“ აცნობეს.

სტუდენტები პოლონეთში 2020 წლის 3 ოქტომბერს მიემგზავრებიან. მათი საერთაშორისო მობილობის პერიოდი 2020-2021 აკადემიური წლის შემოდგომის სემესტრს მოიცავს.

ამასთან, ტურიზმის ადმინისტრირების საბაკალავრო პროგრამის სტუდენტი მანანა ტყემალაძე 2020-2021 აკადემიური წლის შემოდგომის სემესტრს ვარნას მენეჯმენტის უნივერსიტეტში გაატარებს. ის ბულგარეთში, 4 ოქტომბერს მიემგზავრება.

თითოეულ სტუდენტს "ევროპის უნივერსიტეტმა" სრულად დაუფარა საერთაშორისო მობილობასთან დაკავშირებული შემდეგი ხარჯები: სწავლის გადასახადი, ავიაბილეთის საფასური და საცხოვრებელი.

ევროპის უნივერსიტეტი საქართველოში 2012 წელს დაფუძნდა და სხვადასხვა პროგრამების ფარგლებში, უცხოელი სტუდენტების ადგილზე განათლების მიღების უზრუნველყოფასაც ახორციელებს.

უნივერსიტეტში ქართველ სტუდენტებთან ერთად 900 სხვადასხვა ქვეყნის მოქალაქე იღებს განათლებას, მათ შორის სამედიცინო მიმართულებით.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა