მტერი ჩვენს სოფლებში, გუზანლიში, ალიბაილიშსა და აიაგ გარვანდში, საარტილერიო შეტევას ახორციელებს, რასაც შესაბამისი ზომებით ვპასუხობთ, - ამის შესახებ ინფორმაციას აზერბაიჯანული მედია ქვეყნის თავდაცვის უწყებაზე დაყრდნობით ავრცელებს.

მათივე ინფორმაციით, გასული ღამის განმავლობაში სომხეთის შეიარაღებულმა ძალებმა საარტილერიო ცეცხლი გახსნეს ქალაქ ტარტარში და ასევე შემდეგ სოფლებში : საჰლააბაბში, გაფანლიში, გაინაქში, ასკიფარაში, ჰუსანლიში, აიაგ გარვანდში, იმამგულუბეილიში, გარადაგლიში, ტაზაკენდში, მუგანლიში, ქიამედინიში, რანჯბარლაში და ტაფგარაგოიუნლუში.

მთიან ყარაბაღში არსებული სიტუაციის შესახებ ინფორმაცია გაავრცელა სომხეთის თავდაცვის უწყებამაც.

მათი ინფორმაციით, დღეს დილით, სომეხმა სამხედროებმა აზერბაიჯანის 3 საბრძოლო თვითმფრინავი ჩამოაგდეს.