„საპატნიორო ფონდი“ - საქართველოში ლურჯი მოცვის კულტურის განვითარებას მხარს ვუჭერთ

„საპატნიორო ფონდი“ საქართველოში ლურჯი მოცვის კულტურის განვითარებას მხარს უკვე მრავალი წელია უჭერს, - აღნიშნულის შესახებ „ინტერპრესნიუსს“ „საპარტნიორო ფონდიდან“ აცნობეს. როგორც მათ ინფორმაციაშია აღნიშნული, ფონდის ინვესტიციით ოზურგეთის რაიონის დაბა ლაითურში, 127 ჰა. მიწის ნაკვეთზე გაშენდა ლურჯი მოცვის პლანტაცია, მოეწყო რეგიონში ყველაზე დიდი, თანამედროვე ტექნოლოგიით აღჭურვილი საწარმოო ხაზი და სამაცივრე მეურნეობა.

„საპარტნიორო ფონდის“ აღმასრულებელი დირექტორის დავით საგანელიძის განცხადებით, ლურჯი მოცვის პლანტაციების გაშენებამ ხელი შეუწყო ქართველი ფერმერების ამ მიმართულებით გააქტიურებას.

„დაინერგა საერთაშორისო სტანდარტი და საწარმოს მიენიჭა ხარისხის დამადასტურებელი არაერთი სერტიფიკატი. საგულისხმოა, რომ პლანტაცია 2016 წელს სწორედ „საპარტნიორო ფონდის“ ინვესტიციის შედეგად გაფართოვდა და ქვეყანაში ყველაზე ფართომასშტაბიანი ლურჯი მოცვის პლანტაცია გახდა. წელს, ზაფხულში, მოცვის პლანტაცია შპს „ეფკომ“ საჯარო აუქციონის შედეგად შეიძინა და მოხარული ვარ, რომ ეს არის ქართული მულტი-პროფილური საინვესტიციო კომპანია „ფორსაიტ ინვესტმენტ გრუპი“, რომლის მიზანი რეგიონში ერთ-ერთი ყველაზე დიდი, საერთაშორისო დონის ლურჯი მოცვის აგროკომპანიის შექმნაა. განსაკუთრებულად სასიამოვნოა, რომ „საპარტნიორო ფონდის“ მიერ ლურჯი მოცვის პლანტაციების გაშენებამ ხელი შეუწყო ქართველი ფერმერების გააქტიურებას ამ მიმართულებით და სტიმული მისცა საქართველოში ლურჯი მოცვის კულტურისა და წარმოების შემდგომ განვითარებას. ასე რომ, დღეისათვის ქართულ მოცვს უკვე აქვს პოტენციალი, უმნიშნელოვანესი ადგილი დაიკავოს არამხოლოდ ქართულ, არამედ საერთაშორისო საექსპორტო ბაზარზეც და საქართველო მართლაც გახდეს ლურჯი მოცვის ერთ-ერთი უმსხვილესი ექსპორტიორი ქვეყანა მსოფლიოს მასშტაბით,“ - განაცხადა „საპარტნიორო ფონდის“ აღმასრულებელმა დირექტორმა დავით საგანელიძემ ლურჯი მოცვის პლანტაციის პროექტის პრეზენტაციაზე სიტყვით გამოსვლისას.

შეგახსენებთ, ფონდის მიერ ლურჯი მოცვის პროექტში ინვესტირებულმა თანხამ 2.2 მილიონი აშშ დოლარი შეადგინა. „საპარტნიორო ფონდის“ ინვესტიციით შექმნილ საწარმოში მოიკრიფა და გადამუშავდა 300 ტონაზე მეტი ლურჯი მოცვი და რეგიონში შეიქმნა 200-ზე მეტი სამუშაო ადგილი. ამასთანავე, დიდ ბრიტანეთში, ევროპისა და ყოფილი საბჭოთა კავშირის ქვეყნებში ექსპორტირებული ლურჯი მოცვის ღირებულებამ 1.2 მილიონ აშშ დოლარს გადააჭარბა“, - ნათქვამია „საპარტნიორო ფონდის“ მიერ გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს