ინდოეთში კორონავირუსით გარდაცვლილთა რიცხვმა 100 000-ს გადააჭარბა. ქვეყნის ჯანდაცვის სამინისტროს ოფიციალური მონაცემებით, გასული დღე ღამის განმავლობაში ქვეყანაში დაინფიცირების 80 000-მდე ახალი შემთხვევა გამოვლინდა.
„როიტერის“ ინფორმაციით, ამჟამად ინდოეთი ახალი შემთხვევების დღიური მატებით მსოფლიოში პირველ ადგილზეა. ოფიციალური სტატისტიკით, ინდოეთში ვირუსით დღემდე სულ 6.47 მილიონი ადამიანი დაინფიცირდა, მათგან 5.4 მილიონი პაციენტი უკვე განიკურნა. ინდოეთი კოვიდ-19-ით სიკვდილიანობის მაჩვენებლით მსოფლიოში აშშ-ისა და ბრაზილიის შემდეგ, მესამე ადგილზეა.