არჩილ თალაკვაძე და სოზარ სუბარი სამგორში წარმატებულ სტუდენტებს და პედაგოგებს შეხვდნენ

ახალგაზრდობა არის ქვეყნის მომავალი და ჩვენ ახალგაზრდებთან ერთად ვხედავთ მომავალი განვითარების პროცესს, - ამის შესახებ საქართველოს პარლამენტის თავმჯდომარემ სამგორში განაცხადა, სადაც მაჟორიტარი დეპუტატობის კანდიდატთან, სოზარ სუბართან იმყოფებოდა.

როგორც „ინტერპრესნიუსს“ საქართველოს პარლამენტიდან აცნობეს, წელს სამგორის რაიონში სკოლა 2462 მოსწავლემ დაამთავრა, საიდანაც 100%-იანი გრანტი 48 მოსწავლემ მოიპოვა, ხოლო 70%-იანი კი 118-მა. სწორედ ამ წარმატებულ სტუდენტებთან და მათ დამრიგებლებთან გაიმართა შეხვედრა.

„ეს არის ორი თაობა, რომელიც ქმნის წარმატებას ქვეყანაში და რომელიც ყველაფერს აკეთებს იმისთვის, რომ ჩვენს ქვეყანას ჰქონდეს პროგრესული მომავალი. ჩვენ ვისაუბრეთ გეგმებზე, რომლებიც გვაქვს განათლების სფეროში და რა თქმა უნდა, ვისაუბრეთ ახალგაზრდებთან იმ სამ მნიშვნელოვან პრიორიტეტზე, რომელსაც ჩვენ ვახორციელებთ და უფრო მეტი ენერგიით განვაგრძობთ მომავალში. ეს არის განათლება მათთვის, ეს არის დასაქმება, პირველი სამუშაო, სამსახური და ეს არის რეკრეაცია, სპორტი და გართობა, რაც ასევე ძალიან მნიშვნელოვანია ნებისმიერი ახალგაზრდისთვის. ჩვენ გვაქვს კონკრეტული პროექტები, გვაქვს ხედვა და ახალგაზრდებთან ერთად, ვაპირებთ გავაგრძელოთ მომავალში. ახალგაზრდობა არის ქვეყნის მომავალი და ჩვენ ახალგაზრდებთან ერთად ვხედავთ მომავალი განვითარების პროცესს",- განაცხადა არჩილ თალაკვაძემ.

სოზარ სუბარის განცხადებით, მნიშვნელოვანია აქტიური მოქალაქეობრივი პოზიცია ყოველდღიურ ცხოვრებაში.

„დღეს შევხვდით წარმატებულ სამგორელ პირველკურსელებს, ახალგაზრდებს. სხვადასხვა სპეციალობები, სხვადასხვა უნივერსიტეტები, მაგრამ ერთნაირად ანთებული თვალები, ერთნაირი სწავლის სურვილი და ერთნაირი მგზნებარე სურვილი, რომ მიიღონ მონაწილეობა ქვეყნის მშენებლობაში, ქვეყნის გარდაქმნაში და ჩვენგანაც ეს იყო მთავარი თხოვნა, მოწოდებაც, რჩევაც, ისტორიის გაკვეთილიც, რომ როგორც მნიშვნელოვანია წიგნი და კომპიუტერი, ასევე მნიშვნელოვანია აქტიური მოქალაქეობრივი პოზიცია ყოველდღიურ ცხოვრებაში. ცხოვრების გარდაქმნა იწყება დღეიდან და ეს უნდა დაიწყონ მათ და მათ უნდა ააშენონ მომავლის საქართველო. ამისთვის ყველა პირობის შექმნა არის ჩვენი ვალდებულება, მაგრამ ეს ერთად უნდა გავაკეთოთ, იმიტომ, რომ მარტო უფროსი თაობა, მათ გარეშე, ვერაფერს ვერ გააკეთებს",- განაცხადა სოზარ სუბარმა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)