სომხეთში ბოლო 24 საათში კორონავირუსი 571 ადამიანს დაუდასტურდა, 5 ინფიცირებული კი გარდაიცვალა. ამასთან, ბოლო დღე-ღამის განმავლობაში ვირუსისგან სრულიად განიკურნა 89 პაციენტი. ამ ინფორმაციას სომხური მედია ქვეყნის ჯანდაცვის სამინისტროს დაავადებათა კონტროლისა და პროფილაქტიკის ეროვნულ ცენტრზე დაყრდნობით ავრცელებს.

ბოლო მონაცემებით, ქვეყანაში სულ კორონავირუსის 52 496 შემთხვევა ფიქსირდება, მათგან 44 600-ზე მეტი უკვე გამოჯანმრთელდა.

რაც შეეხება მსხვერპლს, კორონავირუსს სომხეთში 1 299 ადამიანი ემსხვერპლა.