ბელარუსის დედაქალაქში ალექსანდრე ლუკაშენკოს მოწინააღმდეგეთა არასანქცირებული კვირის ტრადიციული პროტესტის მონაწილეების დაკავება დაიწყო. სამართალდამცველები წყლის ჭავლს იყენებენ.
ქალაქის ცენტრში დაიკეტა რამდენიმე მეტროსადგური, შეფერხებით მუშაობს ინტერნეტი.
საპროტესტო აქციის მონაწილეებმა შეკრება, ადგილობრივი დროით, 14:00 საათზე ძეგლის „მინსკი - გმირი ქალაქი“ ტერიტორიაზე დაიწყეს. მონაწილეებს მოუწოდეს, თან ჰქონოდათ პოლიტიკური პატიმრების პორტრეტები და პლაკატები მათი გათავისუფლების მოთხოვნით.
ადგილობრივი მედიის ცნობით, ამავე დროისთვის, ტერიტორიაზე ძალოვანებმა ტექნიკა განათავსეს.