აშშ-ის პრეზიდენტი დონალდ ტრამპი "უოლტერ რიდის" სამხედრო სამედიცინო ცენტრიდან შესაძლოა ხვალ გაეწეროს.

მისი ექიმის განცხადებით, ტრამპმა დაასრულა "რემდესივირის" მეორე დოზა და "დღეს ის თავს კარგად გრძნობს".

მისივე თქმით, დაგეგმილია, რომ ორშაბათიდან პრეზიდენტმა მკურნალობა თეთრ სახლში გააგრძელოს.

შეგახსენებთ, აშშ-ის პრეზიდენტ დონალდ ტრამპს და მის მეუღლეს, მელანია ტრამპს რამდენიმე დღის წინ კორონავირუსი დაუდგინდათ.

დონალდ ტრამპი მოგვიანებით პრევენციის მიზნით სამხედრო ჰოსპიტალში გადაიყვანეს. როგორც ტრამპი აღნიშნავს, „თავს გაცილებით კარგად გრძნობს“.