ბოლო 24 საათში აშშ-ში კორონავირუსის 50 044 ახალი შემთხვევა გამოვლინდა და 690 ადამიანი გარდაიცვალა. ამ მონაცემებს ჯონ ჰოპკინსის უნივერსიტეტი ავრცელებს.

პანდემიის დაწყებიდან დღემდე აშშ-ში კორონავირუსის 7 418 107 შემთხვევა გამოვლინდა, 209 725 ადამიანი გარდაიცვალა, ხოლო 2 911 699 - გამოჯანმრთელდა.

აღსანიშნავია, რომ როგორც კორონავირუსით დაინფიცირების შემთხვევების, ასევე ვირუსის მსხვერპლთა რაოდენობით აშშ პირველ ადგილზეა მსოფლიოში. ვებ-გვერდ wordometers-ის მიხედვით, მსოფლიოში კოვიდინფიცირებულთა რაოდენობამ 35.4 მილიონს გადააჭარბა, ვირუსს 1 მილიონზე მეტი ადამიანი ემსხვერპლა.