ირმა ნადირაშვილის განცხადებით, ეპიდემიოლოგიური ვითარების გამო, პოლიტიკოსებს საარჩევნო კამპანიის წარმოება დაძაბულ და სტრესულ გარემოში უწევთ

„ევროპული საქართველოს“ მაჟორიტარობის კანდიდატი რუსთავსა და გარდაბანში, ირმა ნადირაშვილი აცხადებს, რომ „ქართული ოცნება“ პანდემიასთან დაკავშირებული სიტუაციის პოლიტიკური მიზნებისთვის გამოყენებას ცდილობს. მისი შეფასებით, ხელისუფლება „უტვინოდ და უპასუხისმგებლოდ მოიქცა“, როდესაც კორონავირუსის შემთხვევების დაბალი მაჩვენებლების დროს ქვეყანა ჩაკეტა.

ამასთან, ირმა ნადირაშვილის განმარტებით, ამჟამინდელი ეპიდემიოლოგიური ვითარების გათვალისწინებით, პოლიტიკოსებს საარჩევნო კამპანიის წარმოება ძალიან დაძაბულ და სტრესულ გარემოში უწევთ.

„ჩვენი ხელისუფლება უტვინოდ და უპასუხისმგებლოდ მოიქცა, როდესაც კორონავირუსის 5 და 10 შემთხვევა იყო, ჩაკეტეს მთელი ქვეყანა, გააჩერეს და თქვეს, რომ საფრთხე არ არისო. ამით ეკონომიკა ნულზე დაიყვანეს, ახლა ყოველდღიურად 500-ზე მეტი შემთხვევაა, ლეტალობა გაიზარდა, თუმცა, მიუხედავად ამისა, ხელისუფლება აღარ გვეუბნება, რომ ეს საგანგაშო მდგომარეობაა. ცხადია, პანდემიას და კორონას „ქართული ოცნება“ პოლიტიკური მიზნებისთვის მხოლოდ სათავისოდ იყენებს, თუმცა, მათ ვერ მოახერხეს ვერც პანდემიის მართვა, ვერც შეკავება და მივიღეთ ვითარება, როცა ძალიან ბევრი კითხვის ნიშანია, თუ როგორ უნდა ჩატარდეს უსაფრთხოდ არჩევნების დღე ან საარჩევნო პერიოდი, როგორ უნდა იყოს უსაფრთხო, რადგან ყველა ადამიანის ირგვლივ წრე ყოველდღე ვიწროვდება. ჩვენ საარჩევნო კამპანიის წარმოება ძალიან დაძაბულ და სტრესულ გარემოში გვიწევს იმიტომ, რომ ფრთხილად უნდა ვიყოთ. იმიტომ, რომ საარჩევნო კამპანიის დროს პოლიტიკოსებს ძალიან ბევრი ადამიანის ნახვა უწევთ, ეს ძალიან დიდი პასუხისმგებლობაა, არ ვიცით, კორონავირუსით დაავადებული ადამიანები როგორ მოახერხებენ კენჭისყრაში მონაწილეობას, შეზღუდულია მათი კონსტიტუციური უფლება, მიიღონ არჩევნებში მონაწილეობა. უამრავი კითხვის ნიშანია, მაგრამ „ხელისუფლებას პირში წყალი აქვს ჩაგუბებული“ და დუმილის უფლებას იყენებს“,-განაცხადა ნადირაშვილმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები